TIRANE- Ministrja e Integrimit Klajda Gjosha është zotuar se do të punojë me të gjitha ministritë e linjës në realizimin e reformave që kërkohen për marrjen e statusit të vendit kandidat siç janë lufta kundër krimit të organizuar, kundër korrupsionit, reforma në drejtësi si dhe të drejtën e pronës.

Këtë deklaratë Gjosha e ka bërë gjatë një takimi me Drejtorin e Drejtorisë për Vendet e Ballkanit Perëndimor në Ministrinë e Jashtme të Republikës Federale të Gjermanisë Ernst Reichel.

Gjosha i shprehu atij vlerësimin për marrëdhëniet e mira midis dy vendeve duke e konsideruar Gjermaninë si partner të fuqishëm të Shqipërinë në procesin e rëndësishëm të integrimit evropian dhe në implementimin e reformave që kërkon ky proces.  Reichel ofroi bashkëpunim të plotë nga ana e tyre duke theksuar se është mirë që dy vendet të kenë bashkëpunim të ngushtë. Ai sugjeroi që Shqipëria duhet të ndjekë eksperiencën e vendeve të tjera në luftën kundër korrupsionit e krimit të organizuar

Shkrimi u publikua sot (02.10.2013) në gazetën Shqiptarja.com (print)

Redaksia Online
(d.d/shqiptarja.com)