TIRANE- Ministrja e Integrimit Evropian, Klajda Gjosha në një intervistë për “Shqiptarja.com” i ka bërë thirrje opozitës t’i bashkangjitet komisioneve parlamentare dhe Këshillit Kombëtar të Integrimit.

Duke argumentuar arsyet e krijimit të kësaj strukture të re, Ministrja ka sqaruar se reagimet e opozitës dhe deputetes demokrate, Majlinda Bregu, për mosmarrje pjesë në këshill dhe kërkesa për drejtimin e tij, bien ndesh me arsyen për të cilën po krijohet Këshilli dhe në vend që të bashkojë forcat politike shërben për t’i ndarë ato.