TIRANE - Ministrja e Integrimit Europian, Klajda Gjosha, mori pjesë në Vjenë,  në Forumin “E ardhmja e Europës, perspektivat e reja”. Ky forum ku morën pjesë rreth 24 ministra nga gjithë Europa, u zhvillua në dy sesione të mbyllura për mediat.

Ministrat diskutuan për  sfidat me të cilat përballet Europa, veçanërisht pas Brexit. Euroskepticizmi, politika e zgjerimit të Bashkimit Europian, kriza e refugjatëve, problemet e ndryshme ekonomike, ishin gjithashtu të tjera pika diskutimi gjatë këtij forumi.

Gjetja e zgjidhjeve më të mira për të forcuar unionin, duke i shërbyer  Projektit Europian, ishte qëllimi i këtij forumi, ku ministrat shkëmbyen  pikëpamje dhe alternativa të mundshme për të kapërcyer sfidat dhe mbi të gjitha, për të rritur besimin e qytetarëve europiane tek BE-ja. 

(er.nu/shqiptarja.com)