Marrja e presidencës së BE nga Gjermania, për Lëvizjen Socialiste për Integrim është një ngjarje e rëndësishme për Integrimin e Shqipërisë, por për të realizuar këtë, ish deputetja e LSI, Klajda Gjosha i bën thirrje qeverisë që të dalë me një plan konkret. Sipas Klajda Gjoshes, BE po i humb durimi prej shpërfilljes që i bën qeveria shqiptare prioriteteve kyçe për integrimin.
Deklarata për mediat e ish-deputetes së LSI, Klajda Gjosha
Sot Gjermania ka marrë presidencën e BE dhe kjo është një ngjarje jashtëzakonisht e rëndësishme për muajt e ardhshëm të vetë BE-së, si për daljen nga kriza, nga pandemia, nga recesioni ekonomik ashtu edhe për perspektivën evropiane e vendeve të Ballkanit perëndimor.
Lëvizja Socialiste për Integrim i uron suksese presidencës gjermane dhe realisht besojmë në përballimin e sfidave të përbashkëta që kanë trazuar ujërat e botës ku ne jetojmë. Duke u ndalur te presidenca gjermane nuk mund të qëndroj pa tërhequr vëmendjen e kushteve të Bundestagut dhe rëndësinë e madhe që ato kanë për çeljen e negociatave të Shqipërisë. Rikujtoj kushtet e domosdoshme deri në konferencën e parë, si ngritja e Gjykatës Kushtetuese, ngritja e Gjykatës së Lartë, përfundimin sa më parë të Reformës Zgjedhore, rishikimin e Legjislacionit të Medias në përputhje me rekomandimet e Komisionit të Venecias, uljen e numrit të azilkërkuesve shqiptarë në vendet e Bashkimit Evropian, si dhe ndërtimin e të dhënave dhe rezultateve konkrete në luftën kundër krimit dhe korrupsionit. Shqipëria ka gjithashtu mbi supe edhe disa kushte të tjera, të cilat duhet të realizohen sa më parë dhe që kanë të bëjnë me çështje thelbësore të funksionimit të demokracisë në vend dhe të shtetit të së drejtës. Implementimi i zgjedhjeve, ligjshmëria apo jo e votimeve të 30 qershorit, ndëshkimi i krimit zgjedhor, janë një sërë çështjesh që mbajnë sot pezull të ardhmen e vendit. Vendimi i fundit i Parlamentit Evropian për të vendosur 15 kushte para konferencës së parë, është një tregues i qartë i humbjes së durimit nga BE për shpërfilljen që i bën qeveria shqiptare prioriteteve kyçe dhe vlerave thelbësore të Bashkimit Evropian. I bëj thirrje qeverisë shqiptare të dalë sa më parë në një plan konkret për plotësimin e kushteve, të cilat duhet të kenë një afat kohor sa më të afërt, sepse koha nuk pret. Kënga e kushteve nuk është e opozitës, por është këngë e kompozuar nga papërgjegjshmëria, nga keqqeverisja, arroganca dhe mohimi i realitetit që i bën qeveria pikërisht kushteve të vendosura nga vetë BE. Perspektiva evropiane e Shqipërisë për ne është e panegociueshme dhe do të mbetet një prioritet deri në anëtarësimin e plotë të vendit.
Lajme të tjera
-
Shefi i ri i Këshillit Evropian pritet të takojë 6 liderët e Ballkanit Perëndimor më 3 dhjetor
27 Nëntor, 17:03 -
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Konfirmohet përbërja e re e Komisionit Europian, mandati nis më 1 dhjetor
27 Nëntor, 16:23 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Ekonomia gjermane në prag të recesionit
27 Nëntor, 08:54 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Borrell: Europa të zbatojë mandat arrestin për Netanyahun! SHBA të veprojnë si të duan
26 Nëntor, 13:39
-
Tabaku: Ka mbërritur pozicioni negociues për grup-kapitullin 6, të hënën Komisioni i Integrimit mbledhje me dyer të mbyllura!
26 Nëntor, 11:23 -
Kuvendi në seancë të posaçme, kryeparlamentarja e Çekisë: Mbështesim anëtarësimin e Shqipërisë në BE! Ka rol të rëndësishëm kundër ndikimit rus
25 Nëntor, 17:18 -
Synon anëtarësimin në BE, Serbia dështon në hapjen e kapitujve
25 Nëntor, 16:45 -
Media: Biden dhe Macron do të shpallin armëpushimin në Liban nesër! Lideri Suprem i Iranit: Netanyahu dhe ministri i tij duhet të dënohen me vdekje
25 Nëntor, 08:12 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27
