“Tri herë opinga rrahu dheun
Sikur kërkoi leje prej tij
Pastaj shamia palët ndehu
![](https://shqiptarja.com/template/img/NO_ALFA_Kuadrate shqiptarja.png)
Me qetësi dhe madhështi.
Kështu, midis qiellit edhe botës
Vallja u lind, vallja u shpall
Këmba sinjale i çon tokës
Dhe dora qiellit i jep lajm.”
(Ismail Kadare)
Artisti i 11 rekordeve Guinness, Saimir Strati, ka çelur ekspozita në shumë vende të botës, por nuk kishte çelur asnjë ekspozitë në Tiranën e tij.
Përderisa, në jetën e artistëve gjithmonë marrëdhëniet mes famës dhe vlerave reale kanë gjeneruar një varg paradoksesh, do ta lëmë mënjanë arsyen.
Saimir Stratin, Kalaja e Tiranës e ftoi që të çelte një ekspozitë me motive shqiptare.
Ja edhe një vepër, që e ka nisur dhe është drejt përfundimit.
Kjo është e veçanta e ekspozitës, që ai e aplikon në gjitha shtetet kur shkon.
Jemi pranë kësaj ekspozite që vjen plot me surpriza të gjetjeve artistike, që burojnë nga ndjenjat dhe dora e Saimir Stratit duke zbuluar rrugën për t’u qasur drejt emocioneve tona.
Kuratorja Vlora Demiri, profesoreshë në Universitetin e Tetovës i vuri titullin “Patriot”.
Zotërojnë kryesisht motivet shqiptare, legjendat dhe ndjeshmëria e artistit për folklorin dhe etnografinë.
Materialet e forta, vida, guaska, gozhdë, lëvozhga veze, mermer, copëza pasqyrash, e pllakëza të arta, përulen, duke na transmetuar magji, joshje, energji, botë në lëvizje, muzikë.
Gjuha e artit merr zë në këto vepra.
Veprat janë punuar brenda një harku kohor 22-vjeçar.
Thellësia e interpretimit të veprës i rikthen shpesh vizitorët gjatë ditëve të ekspozitës, ndërsa turistët e huaj vijnë dhe i marrin artistit shqiptar një autograf në bluzë.
Saimir Strati është anëtar i Shoqatës Britanike të Mozaikut Modern dhe është një nga 4 artistët që udhëheqin mozaikun modern sot në të gjithë botën.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)