Sipas mediave serbe, Gjuriç, i cili do të jetë edhe në krye të Zyrës së re të Serbisë për çështje koordinuese në procesin negociues me institucionet e Kosovës, është shprehur se gjatë ditëve të ardhshme do të mbahet takimi i serbëve të Kosovës me kryeministrin serb, Aleksandar Vuçiç.
Duke folur për zyrën e re, Gjuriç është shprehur se Qeveria e Serbisë ka vendosur që të forcojë kapacitet administrative, duke mbledhur në një vend të gjitha informatat e nevojshme për negociatat Beograd – Prishtinë. Që prej datës 3 shkurt, kur u shkarkua drejtuesi i Listës Serbe, Aleksandar Jabllanoviç, deputetët e kësaj liste kanë bojkotuar të gjitha punimet e Kuvendit të Kosovës.
Largimi i Jabllanoviçit nga qeveria e Kosovës erdhi pas protestave masive, për shkak të deklaratës ku Jabllanoviçi quajti protestuesit në Gjakovë “egërsira”.
Redaksia Online
(a.h/shqiptarja.com)