Gjykata e Hagës liron
Haradinaj për festat e fundvitit

Mediat kosovare raportojnë se Ramush Haradinaj është liruar nga paraburgimi për festat e fundvitit nga gjykata e Hagës. Ai do të kthehet në Kosovë nga 17 dhjetori dhe do të qëndroi deri më 14 janar.

Në qëndrimin e tij në Kosovë, Haradinaj nuk ka të drejtë të marrë pjesë në aktivitete politike dhe nuk mund të bëjë deklarata publike.

Haradinaj nuk do të mund të lëvizë jashtë Prishtinës dhe duhet të raportohet cdo dy ditë në policinë e EULEX.

Ndërkohë, gjykata e Hagës ka refuzuar kërkesën për lirim të përkohshëm të Lah Ibrahimajt, i cili po vuan dënimin për krime lufte në Hagë.