Gjykata e Posaçme e Apelit lë në fuqi dënimin me 4.6 vjet burg për ish gjyqtaren Mimoza Margjeka

Gjykata e Posaçme e Apelit lë në fuqi dënimin me 4.6 vjet burg për ish gjyqtaren Mimoza Margjeka

Mimoza Margjeka

Gjykata e Posaçme e Apelit për korrupsionin dhe krimin e organizuar ka lënë në fuqi dënimin me  4 vjet e 6 muaj burg për Mimoza Margjekën, ish gjyqtaren e Apelit Korçë e cila u shpall fajtore për akuzën e korrupsionit.

Në aplikim të nenit 59 të K.Penal është urdhëruar pezullimi i ekzekutimit të vendimit të dënimit me burgim për pjesën e mbetur pa vuajtur të tij, duke e vënë të pandehurën në provë për një periudhë kohe prej 3 (tre) vitesh, me kusht që gjatë kësaj kohe të mos kryeje vepër tjetër penale si dhe të mbajë kontakte të rregullta me Zyrën e Shërbimit të Provës ku ka vëndbanimin e saj. Gjithashtu i hiqet e drejta për të ushtruar funksione publike për një afat kohor 5 vjeçar.

Gjykata e Posaçme e Apelit ka lënë në fuqi vendimin nr. 69, datë 15.12.2022 të Gjykatës së Posaçme të Shkallës së Parë për Korrupsionin dhe Krimin e Organizuar dhe për të pandehurit e tjerë.

Kështu për Arben Carën, bashkëshortin e saj të përfshirë në këtë skemë, u la në fuqi dënim me 4 vite burg, ndërsa për avokatin Skënder Demiri u la në 3 vjet shërbim prove. Gjithashtu, për të pandehurin Klaudio Zhilla dënimi është me 3 vjet burg, si dhe për Nejton Balin 2 vjet e 4 muaj Shërbim Prove.

Vendimi u dha sot (12 dhjetor 2023) nga trupa gjykuese e Gjykatës së Posaçme të Apelit për Korrupsionin dhe Krimin e Organizuar, e përbërë nga gjyqtarët Igerta Hysi (kryesuese), Florjan Kalaja (anëtar) dhe Engert Pëllumbi (anëtar).

Gjyqtarja Margjeka u shpall fajtore për akuzën 'Korrupsioni pasiv i gjyqtarit, prokurorit, dhe i funksionarëve të tjerë të organeve të drejtësisë” e kryer në bashkëpunim pasi mori një rryshfeti 6 mijë euro për të liruar një të arrestuar për trafik klandestinësh. 

Në shkëmbim të përfitimit të paligjshëm, ka rezultuar se Gjykata e Apelit Korçë ka ndryshuar masën e sigurimit dhënë nga Gjykata e Shkallës së Parë Pogradec, nga arrest në burg në atë të garancisë pasurore, për Orion Balin.  Sasinë e parave e mori bashkëshorti i saj.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    FSHF rinovon kontratën me trajnerin e Kombëtares Sylvinho, a jeni dakord?



×

Lajmi i fundit

VIDEO/ Çudira në Lojërat Olimpike, VAR anulon golin e Argjentinës pas katër orësh! Maroku fiton 1-2, dhunë në fushë nga tifozët

VIDEO/ Çudira në Lojërat Olimpike, VAR anulon golin e Argjentinës pas katër orësh! Maroku fiton 1-2, dhunë në fushë nga tifozët