POP 5

Lajmet më të lexuara të 5 minutave të fundit

Kultura

Gjykata e Tiranës "ngrin" në
arkiv "Dimrin e Madh"

Dorëshkrimi i romanit “Dimri i Vetmisë së Madhe” do të vendoset në arvikat e shtetit, si masë sekuestro deri në përfundim të procesit gjyqësor. Vendimi është marrë nga Gjykata e Tiranës. Avokati: Hoxha do ta dorëzojë dorëshkrimin
Akuzat ndaj Kadaresë në vitin 1973 Si e mbrojti Enver Hoxha Padia ne gjykate me 19 korrik
TIRANE-  Dorëshkrimi i romanit “Dimri i Vetmisë së Madhe” do të vendoset në arvikat e shtetit, si masë sekuestro deri në përfundim të procesit gjyqësor. Vendimi është marrë nga gjyqtari Bledar Abdullai i cili pranoi kërkesën e avokates së Ismail Kadaresë, ndërkohë që dhe avokati mbrojtës i së vesë së Enver Hoxhës ka qenë dakord me këtë kërkesë.

“Hoxha do ta zbatojë vendimin e gjykatës dhe dorëshkrimin do ta dorëzojë në Drejtorinë e Arkivit të Shtetit” -deklaroi përfaqësuesi ligjor i zonjës Nexhmije. Në seancën e sotme avokati i Nexhmijes pretendon se disponon disa letra të cilat Kadare i ka shkruar Nexhmijes ku i shpreh falënderimet për ndihmesën që i ka dhënë gjatë hulumtimeve në arkivën e Partisë për qëllim realizimin e romanit dhe ku shkruhet se në shenjë falënderimi i jep këtë dorëshkrim”.

Sipas këtij vendimi, Nexhmije Hoxha duhet të dorëzojë në arkiv dorëshkrimin e romanit “Dimri i vetmisë së madhe” të cilën e disponon që prej 1972 dhe për të cilën pretendon se e ka dhuratë nga shkrimtari i njohur. Me ruajtjen e veprës në arkiv sigurohet që gjatë procesit gjyqësor të mos cenohet apo të dëmtohet vepra deri në përfundim të procesit gjyqësor. Në seancat në vazhdim, pas shqyrtimit të provave gjykata do të vendosë nëse do ti japë dorëshkrimin Kadaresë, sic e kërkon apo do vazhdojë ta mbajë e veja e Hoxhës.
(sg/shqiptarja.com)

/Shqiptarja.com
  • Sondazhi i ditës: 15 Mars, 07:27

    A mendoni se SPAK po e heton siç duhet masakrën e Gërdecit?

Lajme të tjera



×

Lajmi i fundit

VIDEO/ Barcelona shkëlqen, përmbys 2-4 Atleticon në Madrid dhe i merr kreun Realit

VIDEO/ Barcelona shkëlqen, përmbys 2-4 Atleticon në Madrid dhe i merr kreun Realit

16 Mars, 23:04