TIRANE- Gjykata e të Drejtave të Njeriut e Këshillit të Evropës ndëshkon sërish Shqipërinë me pagesën e 9 milionë eurove për mosrespektim të së drejtësës së pronësisë së ish-pronarëve. Vendimi është marrë para tre muajve, por shtetit shqiptar i është lënë kohë e mjaftueshme për ta ankimuar atë, me sa duket pa sukses.

Të 10 dosjet janë bashkuar në një nga Strasburgu, sikurse ishte njoftuar edhe më parë, duke ndjekur praktikën e vendimit-pilot, që është pranuar edhe nga Shqipëria. Për të gjitha rastet, Gjykata është shprehur se janë shkelur të drejtat themelore të njeriut.