TIRANE-Gjykata Administrative ka pranuar kërkesën e prokurorit Bujar Sheshi, që është edhe anëtar i Këshillit të Lartë të Prokurorisë duke rrëzuar vendimin e Autoritetit të Hapjes së Dosjeve që e nxirrte si ish-sigurims i shtetit në kohën e regjimit komunist në Shqipëri (Vendimi).
Dokumenti i Autoritetit të Hapjes së Dosjeve i publikuar në media theksonte se 'gjeneralitetet e bashkëpunëtorit të ish-sigurimit në kartelën Model 2, nr. 8023 janë “Bujar Rasim Shesha” i datëlindjes 1957, ndërkohë që gjeneralitetet e prokurorit janë Bujar Ramiz Sheshi, i datëlindjes 15.12.1957'. Vendimi i Autoritetit është miratuar me shumicë votash, por këtë vendim anëtari KLP e cilësoi shpifje.
Publikimi i këtij vendimi në media solli dhe një debat për mënyrën e përzgjedhjes së anëtarëve në institucionet e reja të drejtësisë. Pas rastit reagoi edhe Prokuroria e Përgjithshme e cila sqaroi se Sheshi e kishte plotësuar nën përgjegjësinë e tij personale formularin e deklarimit.
Bujar Sheshi kërkoi nga gjykata Administrative rrëzimin e pretendimit të 'Dosjeve'. Në seancën e kaluar juristi i Autoritetit të Dosjeve kërkoi rrëzimin e padisë së bërë nga anëtari KLP-së, Bujar Sheshi.
Por avokati i Sheshit tha se "AIDSSH nuk mund të interpretonte faktin se personi që kanë gjetur në Kartelën e Sigurimit të Shtetit (Bujar Rasim Shesha) është i njëjtë me Prokurorin Bujar Ramiz Sheshi. Nuk i lejohet ky veprim sipas ligjit, për shkak se janë autoritet informues dhe jo interpretues" tha ai. Ditën e sotme gjykata pranoi kërkesën e prokurorit duke rrëzuar vendimin e Autoritetit të Dosjeve.
Pas vendimit ka reaguar kryetarja e Autoritetit të Hapjes së Dosjeve, Gentiana Sula e cila ka paralajmëruar apelimin. "Do ta apelojmë vendimin e Gjykatës Administrative për Bujar Sheshin. I qëndrojmë vendimit fillestar. Ishte i paanshëm" tha ajo.
Komente
Bujar Shehi e beri prokurorine e durrsit model, jo si Gon Gjana alias Gon Seksi qe na rrinte me defter tek dera prokurorise. Respekt per shef Bujarin se eshte profesionist ne hetim. Keto teknikat e Likes me shoket e tij veshtire se do ecin. Ketij duhet me i ra ne qaf se do i sistem te drejte, por jo se o sigurims.
PërgjigjuSa shpejt filloi edhe mjaftistja e Erion Velise Genta Sulo te manipuloje dosjet, Cudi?
PërgjigjuGjykata e shpall edhe Mis!
Përgjigju