POP 5

Lajmet më të lexuara të 5 minutave të fundit

Kronikë

Anëtari i KLP-së ish-sigurims, të hënën mblidhet Komisioni i Monitorimit të Reformës në Drejtësi

Bujar Sheshi që njihet dhe si prokuror i çështjes Meta–Prifti kaloi procesin e vettingut si prokurori i Apelit të Krimeve të Rënda dhe u bë pjesë e Këshillit të Lartë të Prokurorisë.

Anëtari i KLP-së ish-sigurims, të hënën mblidhet Komisioni i Monitorimit të Reformës në Drejtësi

Prokurori Bujar Sheshi

Të hënën Komisioni i Monitorimit të Reformës në Drejtësi pritet të mblidhet për të shqyrtuar rastin e anëtarit të KLP-së Bujar Sheshi që rezultoi se ka qënë bashkëpunëtor i sigurimit të shtetit dhe ka gënjyer organet e Vettingut për këtë fakt. 

Bujar Sheshi që njihet dhe si prokuror i çështjes Meta –Prifti kaloi procesin e vettingut si prokurori i Apelit të Krimeve të Rënda dhe u bë pjesë e Këshillit të Lartë të Prokurorisë.  Sheshi ka qënë bashkëpunëtor i sigurimit të shtetit që në kohën e gjimnazit me pseudonimin “Venusi” dhe në vitin 1979 nisi detyrën si hetues në degën e Punëve të Brendshme në Fier. 

Ky fakt është konfirmuar edhe nga Autoriteti i Hapjes së Dosjeve, që ka vënë në dijeni dhe Kryeprokuroren Arta Marku e kjo e fundit ia ka çuar parlamentit. 

“Nga verifikimi i kryer rezulton se figuron dokumentacion i krijuar nga struktura e ish-sigurimit të shtetit për shtetasin Bujar Sheshi (Shesha). Kartela model 2, me nr 8023 me këto të dhëna: ‘Bujar Rasim Shesha, i datëlindjes 1957, vendlindja Tiranë, arsimi me dy të mesme, nxënës në shkollën Petro Nini Luarasi me pseudonimin “Venusi”, sektori V, drejtimi inteligjencë rini. Data e tërheqjes në bashkëpunim dt 13.02.1974,” -thuhet në konkluzionet e Autoritetit të Hapjes së Dosjeve.

Në nenin 7, pika 2 të ligjit “Për organet e qeverisjes së sistemit të drejtësisë”, kur flitet për ngritjen e KLP-së,saktësohet se kandidati duhet të mos kenë qenë anëtarë, bashkëpunëtorë ose të favorizuar të ish-Sigurimit të Shtetit para 2 korrikut 1991.

Kërkesa për verefikimin e kandidatit në Këshillin e Lartë të Prokurorisë

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu