POP 5

Lajmet më të lexuara të 5 minutave të fundit

Kosova & Rajoni

Gjykata rrëzon padinë e Shkëlzen 
Berishës për gazetën “Zëri” 

Gjykata Themelore në Prishtinë refuzon kërkesën për heqjen nga ueb-faqja e gazetës “Zëri”, tekstin ku thuhet se Shkëlzen Berisha, së bashku me biznesmenët serbë, Vuk Hamoviç dhe Damir Fazliç penguan ndërtimin e linjës së Interkonjeksionit Kosovë-Shqipëri.
Gjykata rrëzon padinë e Shkëlzen <br />Berishës për gazetën “Zëri” 
PRISHTINE- Gjykata Themelore në Prishtinë ka refuzuar kërkesën e avokatëve mbrojtës të djalit të ish-kryeministrit të Shqipërisë, Sali Berisha, për heqjen nga ueb-faqja e gazetës “Zëri”, tekstin ku thuhet se Shkëlzen Berisha, djali i ish-kryeministrit Sali Berisha, së bashku me biznesmenët serbë, Vuk Hamoviç dhe Damir Fazliç, kanë penguar ndërtimin e linjës së Interkonjeksionit Kosovë-Shqipëri.

Gjykata Themelore në Prishtinë, Departamenti i Përgjithshëm më 25.11.2013 ka marrë Aktvendim përmes të cilit propozuesit i refuzohet si i pabazuar propozimi për caktimin e masës së përkohshme të sigurimit me të cilin ka kërkuar që gazeta “Zëri” ta heqë nga ueb-faqja e saj artikullin në të cilin përmendet djali i kryeministrit si mik me tregtarët serbë të energjetikës, i botuar në prill të vitit 2012 në gazetën “Zëri”.

Në korrik të vitit 2012 djali i ish-kryeministrit të Shqipërisë, Shkëlzen Berisha, përmes dy avokatëve të tij, Artan Qerkimi dhe Korab Sejdiut, të cilit para pak ditësh iu është marrë licenca, paditën ish-kryeredaktorin e gazetës “Zëri”, Astrit Gashin, dhe gazetarin, Enis Veliu, për tekstin “Sali Berisha me mafinë serbe kundër Kosovës”.

Përmes padisë në atë kohë Berisha kishte kërkuar nga gazeta “Zëri” 100 mijë euro dëmshpërblim për dëmin moral që iu është shkaktuar.  

Marrë nga "Zëri"
Redaksia online 
(sg/shqiptarja.com)

 

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46