POP 5

Lajmet më të lexuara të 5 minutave të fundit

Kronikë

Gjyqtarë, aktivistë, gazetarë dhe shkencëtarë, Izraeli evakuon në fshehtësi nëpërmjet Shqipërisë 125 afganë

Izraeli ka evakuuar në fshehtësi 125 afganë nëpërmjet Shqipërisë. Grupi i ndihmës humanitare IsrAID ka koordinuar evakuimin e afganëve që i rrezikohej jeta në atdheun e tyre në fillim të këtij muaji për t’u zhvendosur në plan afatgjatë në vende si Kanadaja, Franca dhe Zvicra.

Gjyqtarë, aktivistë, gazetarë dhe shkencëtarë, Izraeli evakuon në fshehtësi nëpërmjet Shqipërisë 125 afganë

Afganët e mbërritur në Shqipëri

TIRANË- Izraeli ka evakuuar në fshehtësi 125 afganë nëpërmjet Shqipërisë. Grupi i ndihmës humanitare IsrAID ka koordinuar evakuimin e afganëve që i rrezikohej jeta në atdheun e tyre në fillim të këtij muaji për t’u zhvendosur në plan afatgjatë në vende si Kanadaja, Franca dhe Zvicra.

Nga sa mësohet se ky grup ishte i përbërë nga gjyqtarë, çiklistë profesionistë, gazetarë, prezantues televizivë, aktivistë të të drejtave të njeriut, të afërm të diplomatëve afganë, artistë, oficerë të zbatimit të ligjit, si edhe shkencëtarë

Drejtori i Përgjithshëm i IsraAID, Yotam Polizer tha se ky ka qenë një proces i vështirë, por që fatmirësisht ka përfunduar me sukses.

 "Pas një procesi intensiv dhe të vështirë gjatë disa javëve të fundit, me situatën që ndryshon vazhdimisht dhe planet e reja po ndërtohen në baza pothuajse të përditshme, ne jemi të kënaqur që jemi në gjendje të themi se fokusi ynë kryesor tani është duke u siguruar që të evakuuarit të kenë gjithçka që u nevojitet ndërsa fillojnë procesin e ndërtimit të jetës për veten e tyre”, tha ai.

Në total, në Shqipëri kanë mbërritur 903 afganë të cilët janë strehuar në hotelet në qytetet bregdetare. Ato do të qëndrojnë për një kohë të pacaktuar me destinacionin e fundit SHBA, e ndërsa vetë kreu i qeverisë Edi Rama ka deklaruar se nëse ndonjëri prej tyre dëshiron që të qëndrojë përgjithnjë, është krejtësisht i lirë. Shqipëria ishte ndër vendet e para që u angazhua për të strehuar qytetarët afganë të cilët po largohen nga vendi i tyre, pasi u kërcënohet jeta nga talebanët dhe një gjë e tillë është vlerësuar maksimalisht nga ndërkombëtarët. Strehimi i tyre në kampe është mohuar kategorikisht si mundësi, kjo për shkak të kohës së gjatë që do të qëndrojnë në Shqipëri. 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

‘Drejtësi për Martinin!’ Marshim protestë për sigurinë, por pa bojkot në shkolla

‘Drejtësi për Martinin!’ Marshim protestë për sigurinë, por pa bojkot në shkolla

27 Nëntor, 18:22