POP 5

Lajmet më të lexuara të 5 minutave të fundit

Kronikë

U shpëtuan nga terrori talebanëve, mbërrijnë në vendin tonë 259 fëmijë, burra e gra afgane! Në total 903 të strehuar

Në vendin tonë kanë mbërritur sot edhe 259 afganë të tjerë. Ata kanë ardhur nga Mazari Al Sharif. Ndërsa gjithësej në vendin tonë kanë mbërritur 903 fëmijë, burra dhe gra afganë për të shpëtuar nga talebanët.

U shpëtuan nga terrori talebanëve, mbërrijnë në vendin tonë 259 fëmijë, burra e gra afgane! Në total 903 të strehuar

Afganët në Shqipëri

TIRANË- 259 fëmijë, gra e burra janë larguar nga Afganistani dhe kanë mbërritur sot në Shqipëri, vendi që do të jetë për një periudhë të gjatë, atdheu i tyre i dytë pasi u hapi dyert në një kohë kur jeta e tyre ishte në rrezik nga regjimi taleban. Ata kanë mbërritur nga Mazari Al Sharif, një qytet në Afganistan duke e çuar në total numrin e afganëve të strehuar në Shqipëri në 903.

Ministrja e Jashtme, Olta Xhaçka, njëherazi edhe drejtuesja e Task-Forcës së ngritur specifikisht për ta, ka deklaruar se ky operacion për shpëtimin e tyre tregon edhe një herë se Shqipëria është serioze në përkushtimin e saj për t'iu shpëtuar jetën qindra qytetarëve afganë.

“259 fëmijë, gra e burra të larguar nga Mazari Al Sharif, kanë mbërritur pak më parë në aeroportin e Rinasit. Falë koordinimit me partnerët, ata kanë tani një strehë të sigurt, duke rikonfirmuar edhe njëherë seriozitetin dhe përkushtimin e Shqipërisë, për shpëtimin e qindra qytetarëve afganë”, shkruan Ministria e jashtme.

'Qytet Studenti' ishte vendi i parë ku u akomoduan fillimisht afganët, i cili shërbeu vetëm si një vend tranzit, deri sa të përfundonin procedurat e regjistrimit dhe më pas ato janë strehuar në strukturat hoteliere. Durrësi, Lezha dhe Berati janë tre qytetet që kanë hapur dyert për akomodimin e afganëve, sepse mundësia për strehimin e tyre në kampe është përjashtuar kategorikisht nga kryeministri Edi Rama. Shqipëria ishte ndër vendet e para që u angazhua për të strehuar qytetarët afganë të cilët po largohen nga vendi i tyre, pasi u kërcënohet jeta nga talebanët. Ato do të qëndrojnë për 1 vit, deri sa ata të marrin vizën për të udhëtuar në Shtetet e Bashkuara të Amerikës, por nëse dikush prej tyre do të qëndrojnë përgjithmonë, është i lirë për ta bërë.

I.K/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Propozimi i PD për Diasporën, Braçe i prerë: Jo, s’mund të votohet me dokument të huaj për Shqipërinë! Nuk ndodh kurrkund, është fyerje

Propozimi i PD për Diasporën, Braçe i prerë: Jo, s’mund të votohet me dokument të huaj për Shqipërinë! Nuk ndodh kurrkund, është fyerje

24 Janar, 22:12