Gjysëm shekulli me pëllumbat 'Balli', dashuria dhe sakrificat e Ibrahim Karajt për shpendin e veçantë

Ka më shumë se gjysëm shekulli që kujdeset për pëllumbat dhe është i dashuruar me ato të llojit "Balli", të cilat gjenden vetëm në vendin tonë dhe njihen me emrin "Balli elbasani". Ibrahimi, që kur i pa ata për herë të parë filloi ti rrisë dhe sot numëron më shumë se 30 të tillë.

Më të voglin prej tyre, të cilit i ka vendosur edhe një unazë të dedikuar në këmbë na e prezanton vetë Ibrahimi, të cilin e takojmë në ambientin e tij të preferuar, atje ku k ndërtuar një shtëpi 3 katëshe për shpendët e tij.

Ky është më i vogli i familjes së pëllumbave tek unë. Është një muajsh, në këmbë ka edhe unazën me emrin tim Bim Karaj dhe vitin 2018.

LEXO EDHE:
Eda, zonja me shpirt aventurier që ka udhëtuar në 105 vende të botës! Ja aventura e rradhës që do t’ia sugjeronte kujtdo që ka pasion udhëtimet

Ibrahim Karaj, rritës pëllumbash

Bukuria në paraqitje,  dhe sjellja e tyre lozonjare e kanë bërë Ibrahimin të pëlqejë kaq shumë këta lloj shpendësh. Ngjyrat e puplave të tyre, të cilat duken si spirale dhe bishti i gjatë janë për Ibrahimin pamja më e bulur që mund të shohë gjatë ditës.

Pasioni im për këtë lloj pëllumbi ka filluar që në moshën 7 vjeccare tek një miku im këtu afrë shtëpisë i cili kishte pëllumba. Duke qenë se e kisha shumë afër me shtëpinë , ky pëllumb filloi të më pëlqejë dhe aty lindi edhe pasioni im, q ëunë nuk jam shkëputur edhe sot e kësaj dite. Është një shpend shumë i rrallë dhe shumë i bukur, prejardhja e tyre sipas gojëdhënave është nga Elbasani.

Ibrahim Karaj, rritës pëllumbash

Aq shumë i do pëllumbat Ibrahimi sa edhe sakrifikon për ta , nga kufizimi i të dalave deri tek blerja e mjekimeve të shtrenjta.

Sakrificat janë të ndryshme. I kufizoj të lëvizurat nga familja sepse këta janë pëllumba që duan një kujdes të jashtëzakonshëm. Unë edhe mjekimet e tyre i marr nga Gjermania. Për ta kujdesem njëlloj sicc kujdeset një prind për fëmijën e tij. Pasioni është pasion dhe lind me njeriun. Kur më sëmuren pëllumbat zëre se më sëmuren fëmijët dhe ndihem shumë keq. Këtë vit kam humbur 9 prej tyre.

Ibrahim Karaj, rritës pëllumbash

/b.ha./Shqiptarja.com

TAG:
• Pasion
• pellumba
• balli elbasani