Goditën me qytën e pistoletës 39 vjeçarin në ish-Bllok, kapen 2 autorët

Goditën me qytën e pistoletës 39 vjeçarin në ish-Bllok, kapen 2 autorët

Pistoleta e sekuestruar

Janë shoqëruar në polici 2 autorët që goditën me qytën e pistoletës një 39 vjeçar në zonën e ish-Bllokut ditën e shtunë.

Të shoqëruar në polici  janë  E. K., 33 vjeç dhe V. K., 37 vjeç, banues në Rrëshen. Në përfundim të veprimeve po hetohen në gjendje të lirë për veprat penale "Plagosja e lehtë me dashje" dhe "Kanosja"

Nuk dihet se si ka nisur sherri mes tyre por ka qenë vetë 39 vjeçari ai që e ka kallëzuar në polici ngjarjen, duke thënë se e kanë goditur me qytën e armës.

Njoftimi i policisë:

Zbardhet dhe dokumentohet ngjarja e ndodhur më datë 06.03.2021, në zonën e ish-Bllokut.

Procedohen në gjendje të lirë 2 shtetas, për veprat penale "Plagosja e lehtë me dashje" dhe "Kanosja".

Shërbimet e Policisë, pas marrjes të njoftimit se në rrugën “Ismail Qemali”, në zonën e ish-Bllokut, një shtetas ishte goditur me qytën e një armë zjarri të dyshuar pistoletë, kanë shkuar menjëherë në vendngjarje.

Pas një pune të mirorganizuar është bërë i mundur identifikimi dhe shoqërimi i autorëve të ngjarjes, shtetasve:

E. K., 33 vjeç dhe V. K., 37 vjeç, banues në Rrëshen.

Këta dy shtetas, më datë 06.03.2021, pas një konflikti të çastit për motive të dobëta, kanë goditur me qytën e një arme në dukje lodër, shtetasin E. XH. 

Në përfundim të veprimeve, specialistët për Hetimin e Krimit në Komisariatin e Policisë Nr. 2 proceduan penalisht në gjendje të lirë shtetasit E. K. dhe V. K për veprat penale "Plagosja e lehtë me dashje" dhe "Kanosja" dhe materialet i kaluan Prokurorisë së Rrethit Gjyqësor Tiranë, për veprime të mëtejshme.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Skandal trukimi në futbollin belg, Westerlo dhe Genk barazojnë 1-1! Lojtarët 'shëtisin' në fushë (VIDEO)

Skandal trukimi në futbollin belg, Westerlo dhe Genk barazojnë 1-1! Lojtarët 'shëtisin' në fushë (VIDEO)