Goditet grupi i hajdutëve serialë në Dibër, thyen postbllokun, 2 në pranga, një në kërkim

DIBËR-Policia ka goditur një grup që kryente grabitje, ndërsa ka arrestuar dy persona dhe një tjetër është shpallur në kërkim. Të arrestuarit janë Resmi Jakimi 31 vjeç, i dënuar më parë për vjedhje dhe Egert Jakimi 27 vjeç, të dy banues në Shupenzë, ndërsa në kërkim është shpallur V.R, 24 vjeç. Sipas policisë ata kanë kryer grabitje në disa banesa, të cilat janë dokumentuar. Herën e fundit ata vodhën 60 litra naftë në një kamion. Pas informacioneve, policia ngriti një postbllok, ndërsa autorët nuk u janë bindur punonjësve të policisë për të ndaluar duke u larguar me shpejtësi me një automjet tip "Benz". Pas arrestimit në makina u janë gjetur bidonat plastik dhe veshje të cilët dyshohen se janë përdorur nga autorët, kaçavida dhe aparat celular.

Policia e Dibrës menjëherë pas njoftimit të marrë për dy ngjarjet e lartëpërmendura kanë organizuar punën duke ngritur një pikë postblloku të befasishme ku autorët nuk u janë bindur punonjësve të policisë për të ndaluar duke u larguar me shpejtësi me një automjet tip "benz".

Në vijim të veprimeve policore dhe hetimore rezulton se ky grup të jenë edhe autorë të dyshuar të disa vjedhjeve të tjera dhe konkretisht :

LEXO EDHE:
Bulqizë, 24 nxënës bojkotojnë mësimin, Zyra Arsimore u hoqi transportin me furgon, prindërit: Fëmijët s’mund të ecin një orë në këmbë!

Më datë 29.04.2018, kanë vjedhur banesën e shtetasit O.Xh, banues në Maqellarë.

Më datë 29.04.2018, kanë vjedhur një viç në ahurin e bagëtive të shtetasit F.J, banues në Maqellarë.

Më datë 25.06.2018, kanë vjedhur banesën e shtetasit Q.S, banues në Melan.

Më datë 19.07.2018, kanë vjedhur dyqanin e shtetasit F.L, banues në Maqellarë.

Janë sekuestruar me cilësinë e provës materiale:

Një automjet tip Benz me targa BZ 2269 A, 3 bidona plastik, veshje të cilët dyshohen se janë përdorur nga autorët, kaçavida dhe aparat celular .

Materialet proceduriale do ti referohen Prokurorisë Rrethit Dibër për veprat penale të “Vjedhjes”, kryer në bashkëpunim, më shumë se një herë, “Vjedhjes” mbetur në tentativë, e kryer në bashkëpunim dhe “Mosbindjes ndaj urdhërit të punonjësit të rendit publike” të parashikuar nga nenet 134/2, 134/2-22 dhe 242 të Kodit Penal.

TAG:
• grabitje
• Diber
• Resmi Jakimi
• Egert Jakimi

Sondazhi i ditës:

A mund të zhvillojë Shqipëria turizmin elitar?

• PO

  60.5%

• JO

  32.7%

• NUK E DI

  6.8%

Vota total: 1508

• Sondazhi i ditës:

  A mund të zhvillojë Shqipëria turizmin elitar?

  PO JO NUK E DI