POP 5

Lajmet më të lexuara të 5 minutave të fundit

Sport

Gol në frymën e fundit, Laçi 'ul me këmbë në tokë' Kukësin! Egnatia-Skënderbeu mbyllet në paqe! Javën e tretë e fiton ''barazimi'

Një gol në minutën e 5 shtesë nga Laçi i ka hequr mundësinë Kukësit për të vijuar me fitoret në Superligë. Pavarësisht barazimit 2-2 verilindorët udhëheqin kampionatin pas javës së 3, ndërsa edhe ndeshja tjetër mes Egnatias dhe Skënderbeut është mbyllur me shifrat 1-1. E veçanta e kësaj javë është se të pesta ndeshjet janë mbyllur pa fitues.

Në momentet e fundit të ndeshjes Laçi i ka ndërprerë Kukësit ecurinë e fitoreve në këtë fillimsezoni. Në sfidën e lujtur në Kamëz 90 minutat u mbyllën me shifrat 2-2, ndërsa vlen për t’u theksuar se kurbinasit barazuan shifrat në ekstremin e lojës.

Ky barazim padiskutim që zhgënjen të dy palët, por nga mënyra si rrodhën ngjarjet Kukësi është skuadra që la dy pikë, pasi në minutën e 58 udhëhiqte 0-2 falë golave të Milunovic dhe Edi Bashës. Nga ana tjetër Laçi shkurtoi përkohësisht me Zarubicën, ndërsa po i njëjti autor realizoi për 1 pikë në minutën e 5 shtesë.

Pas 3 javësh kampionat Kukësi udhëheq kampionatin me 7 pikë, ndërsa për Laçin kjo ishte pika e dytë në 3 ndeshjet e para.

Ndërkohë edhe përballja tjetër e ditës së sotme e zhvilluar në Rrogozhinë mes Egnatias dhe Skënderbeut është mbyllur në barazim, por me shifrat 1-1. Pedro realizoi fillimisht për vendasit, ndërsa në minutën e 18 Elvi Berisha barazoi shifrat që do të mbetnin të stampuara deri në fundin e ndeshjes. Në pjesën e dytë rrogozhinasit patën shumë pretendime për disa episode, por ‘VAR’ nuk i dha asnjëherë të drejtë.

Me dy ndeshjet e ditës së hënë mbyllet edhe java e 3 e Superligës, por vlen për t’u theksuar fati se të pesta sfidat janë mbyllur në barazim.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Krijimi i Bankës Shtetërore për Zhvillim, kundërshtitë mes Tabakut dhe Berishës

Krijimi i Bankës Shtetërore për Zhvillim, kundërshtitë mes Tabakut dhe Berishës

27 Janar, 17:43