Gola shqiptarësh në Gjermani
shënon edhe Besart Berisha
Shpërthejnë me gola dhe spektakël lojtarët kuqezinj në kampionatin gjerman të futbollit. Kosovari Valdet Rama i ka dhënë fitoren ekipit të Munchen 1860 përballë FSV Frankfurtit.
Shpërthejnë me gola dhe spektakël lojtarët kuqezinj në kampionatin gjerman të futbollit. Kosovari Valdet Rama i ka dhënë fitoren ekipit të Munchen 1860 përballë FSV Frankfurtit. Rama u fut në fushë në pjesën e dytë të ndeshjes si zëvendësues, por rezultoi lëvizja e duhur, pasi shënoi golin e fitores. Kështu kosovari fitoi derbin e shqiptarëve, pasi përballë kishe Odise Roshin dhe Edmond Kapllanin.
E ndërsa Roshi ishte gjatë gjithë ndeshjes në fushë, Kapllani u fut si zëvendësues, por nuk arriti që të linte gjurmë.Edhe ndeshja tjetër mes Fortuna Dusseldorf 0 – 2 Aalen është vendosur nga shqiptarët. Aalen arriti të siguronte fitoren me dy golat e shqiptarëve, Orhan Ademi dhe më pas Jurgen Gjasula me penallti.
Shënon Berisha Melbourne në finaleBesart Berisha vazhdon që të kalojë një moment shumë të mirë në kampionatin australian të futbollit, pasi ka shënuar sërish. Berisha shënoi një gol dhe ndihmoi në realizimin e një tjetri në fitoren 3-0 të Melbourne Victory përballë Melbourne City për gjysmëfinalet e fazës play-off të Australia League.
Melbourne Victory siguroi kualifikimin në finale përballë fituesit të sfidës gjysmëfinale mes Sydney dhe Adelaide United. Berisha me golat e shënuar dhe pasimet e sakta për gol është kthyer në një nga lojtarët kryesor të ekipit të tij në kampionat. Pikërisht, ky është sulmuesi që i nevojitej më shumë se kurrë Shqipërisë në këtë moment, pasi eksperienca në shumë kampionate në Europë, por edhe Australi do ta ndihmonte shumë ekipin e De Biasit.
Renditja e “Fair Play”, Shqipëria e 48Qeveria e futbollit Europian, UEFA ka publikuar renditjen e shteteve ku është luajtur futboll më “Fair Play” gjatë periudhës 1 Maj 2014-30 Prill 2015. UEFA ka vendosur në vendin e parë Holandën, të ndjekur nga Anglia dhe në vendin e tretë është pozicionuar Irlanda. Ndërsa Shqipëria pozicionohet në vendin e 48 për vitin që është bërë monitorimi. Pas Shqipërisë pozicionohen vetëm Armenia, Gjibraltari, Lihtenshtejni, Luksenburgu, San Marino dhe Andorra.
Por renditja e publikuar nga UEFA duket se është paradoksale, së pari mediat italiane akuzojnë, pasi tifozët holandezë të Fejnordit ishin ata që shkaktuan trazirat në ndeshjen me Romën për Europa League. Ndërsa një tjetër paradoks vërehet edhe në pozicionimin e Serbisë, e cila pavarësisht dhunës që ka prodhuar në ndeshjet derbi pozicionohet e 34. Edhe në kampionatin shqiptar ka pasur raste të përplasjes së tifozëve dhe goditjes së lojtarëve dhe zyrtarëve, por jo në nivelin e Serbisë.
d.balla/shqiptarja.com
Sondazhi i ditës:
Shqipëria hap negociatat me BE për kapitullin 1, kur do ndodhë integrimi?
-
Brenda 2030
59%
-
Pas 2030
30.5%
-
Nuk e di
10.5%
Vota total: 1688
Votat totale janë unike
Lajme të tjera
-
‘Veri Jug’/ Kazanët me bakër, historia e nxjerrjes së rakisë në mënyrë artizanale
13 Tetor, 14:04
-
‘Veri Jug’/ Nxjerrja e rakisë me kazan bakri në Zall Herr, agronomi rrëfen ‘sekretet’ dhe traditën artizanale
13 Tetor, 13:59
-
Zyrtarët amerikanë: Izraeli do të sulmojë pikat ushtarake dhe energjike në Iran
13 Tetor, 13:54
-
Pr.ligji për kërkimin shkencor, deputetja Xhixho: Shkel autonominë universitare, të ndalet me urgjencë
13 Tetor, 13:49
-
Ksamil/ Ishte duke vjelë ullinj, 46 vjeçari bie nga pema dhe plagoset rëndë! Transportohet me urgjencë me helikopter drejt Tiranës (EMRI)
13 Tetor, 13:27
-
FOTOT/ Kroçerja ‘Monet’ me 46 turistë anglezë mbërrin në Portin e Vlorës, në mbrëmje niset drejt Sarandës
13 Tetor, 13:19
-
Rruga Korçë-Ersekë u shemb pa u inauguruar, Rama ndan pamjet: U hodh shumë baltë, por u rindërtua me shpenzimet e firmës! Lidh 2 bashkitë për 20 minuta
13 Tetor, 13:07
-
Kampionati/ Pamje mahnitëse nga bota nënujore, në Sarandë biologë dhe zhytës nga 19 vende të botës! Mesazhi për mbrojtjen e mjedisit
13 Tetor, 13:06
-
Aksident në Fier/ Makina del nga rruga dhe përfundon në kanal
13 Tetor, 12:53
-
Ushtria serbe në afërsi të kufirit të Kosovës, gazetari për Report Tv: Provokim me urdhër të Vuçiç, kërkojnë të realizojnë një skenar të ngjashëm Banjskën
13 Tetor, 12:49
-
Dronë në Phenian? Motra e Kim kërcënon Korenë e Jugut
13 Tetor, 12:46
-
Sërish tensione midis Kinës dhe Tajvanit, shkak aeroplanmbajtësja në jug të ishullit
13 Tetor, 12:37