Roma është jashtë Kupës së Italisë. Në "Olimpico" të Romës vendasit u mposhtën 2-3 nga Torino në një ndeshje me shumë emocione dhe që u vendos në minutën e fundit të lojës, duke shmangur shtesën.

Për Torinon titullar luajti Ardian Ismajli, i cili bëri një paraqitje të mirë për 70 minuta, pasi më pas u zëvendësua nga Maripan për shkak të një dëmtimi. Ndërkohë që shqiptari tjetër i Torinos, Kristjan Asllani, nuk ishte i grumbulluar nga trajneri Marco Baroni për këtë duel.

Pjesa e parë u mbyll me avantazhin minimal të miqve, teksa ishte Che Adams që i dha epërsinë Torinos. Vetëm pak sekonda mjaftuan nga nisja e fraksionit të dytë dhe Mario Hermoso vendosi ekuilibrat për 1-1.

Torino nuk u dorëzua dhe gjeti sërish avantazhin po me Che Adams në minutën e 52-të. Fundi i sfidës ishte me shumë emocione, pasi fillimisht Roma barazoi me Antonio Arena në minutën e 81-të, i sapofutur në fushë. Kur të gjithë menduan se dueli do i drejtohej penalltive, Emirhan Ilkhan shënoi golin e tretë për Torinon në minutën e 90-të. Festë e madhe për ekipin mik, ndërsa Torino në çerekfinale do përballet kundër Interit.

Rendit zhvillimet sipas orarit:
Ora 12:26
30 sekonda në fushë, sulmuesi 16-vjeçar i Romës shënon në debutim

1768390037_antonioarena.jpg

Antonio Arena do ta kujtojë për gjithë jetën mbrëmjen e 13 janarit 2026. Në moshën 16 vjeç (ai lindi më 10 shkurt 2009 në Sydney), ai debutoi fillimisht dhe më pas shënoi golin që barazoi momentalisht në 2-2 rezultatin kundër Torinos në Kupën e Italisë, saktësisht 30 sekonda pasi u fut në fushë nga Gasperini në vend të Bailey.

Pasi e nisi karrierën si futbollist në Australi, Arena, u transferua në Itali, ku luajti për herë të parë për Pescaran në vitin 2022 (duke bërë katër paraqitje dhe një gol në nivelin e të rriturve) dhe më pas, në verë, për Romën, fillimisht për Primaveran dhe tani për ekipin e të rriturve. Ai është gjithashtu një lojtar i talentuar për ekipin italian nën-17 vjeç, ku ka luajtur katër ndeshje dhe ka shënuar një gol.

Është për të ardhur keq që goli i tij nuk i shërbeu Romës pasi Torino shënoi në fund dhe i eliminoi nga Kupa e Italisë. Gjithsesi ai shënoi në moshën 16 vjeç, 11 muaj dhe 3 ditë.

S.Dh/Shqiptarja.com

Ora 10:29
Torino i bën daljen, Gianluca Petrachi: Kristjan Asllani është në merkato

1768383021_kristjanasllani.JPG

Kristjan Asllani është në merkato. Këtë e ka pohuar vetë drejtori sportiv i Torinos, Gianluca Petrachi. Mesfushori shqiptar nuk ishte i grumbulluar për sfidën përballë Romës, një sinjal i qartë se largimi është thjesht çështje kohe.

Në deklaratën e dhënë për “Sport Mediaset” përpara ndeshjes, Gianluca Petrachi ka thënë hapur se Asllani është nxjerrë në tregun e transferimeve dhe se i ka të qarta pozicionet ku duhet të ndërhyjë.

“Asllani, Sazonovi dhe Nkunku janë djem që janë në merkato, është mjaft e qartë. Kemi vendosur një vijë në dhomën e zhveshjes. E dimë çfarë duhet të bëjmë. Sigurisht, siç e kam shpjeguar më parë, jemi 32 veta. Dikush duhet të largohet që dikush të vijë. I dimë mirë pozicionet që duhet të përmbushim dhe po punoj për këtë”, tha Gianluca Petrachi.

S.Dh/Shqiptarja.com

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 2 Shkurt, 13:24

    A e mbështesni kërkesën e gjyqtarëve për rritje page?

Lajme të tjera