Lazio - Inter është finalja e Kupës së Italisë e cila do të zhvillohet më 13 maj në stadiumin 'Olimpico' të Romës. Pasi Interi e siguroi një biletë me eliminimin e Comos, të mërkurën ishte Lazio që mori të drejtën për finalen pasi mposhti Atalantën në gjysmëfinalen e kthimit.

Në Bergamo 120 minutat u mbyllën 1-1, ndërsa sfida u vendos pas goditjes së 11 metërshave. Fillimisht Romagnoli shënoi për Lazion në minutën e 84-t, por vetëm dy minuta më vonë Mario Pasalic barazoi gjithçka dhe e dërgoi ndeshjen në shtesë. Në minutën e 95-të Raspadori shënoi për Atalantën, por goli u anulua për pozicion jashtë loje. Me rezultatin e barabartë 3-3 pas dy gjysmëfinaleve, ekipet iu drejtuan gjuajtjeve të 11 metërshave.

Edoardo Motta, portieri i Lazios bëri heroin duke ndalur katër penalltitë e Scamaccas, Zappacostas, Pasalic dhe De Katelaere, për t'i dhënë Lazios të drejtën që të luajë finalen e 11-të në këtë event pas fitores 1-2 nga penalltitë.

Në fushë gjatë gjithë lojës për Atalantën qëndroi Berat Gjimshiti, me kapitenin e Kombëtares që u vlerësua me notën 7.9 në 120 minuta lojë, duke qenë më i miri në fushë. Pas penalltive ishte Edoardo Motta që meritoi të merrte çmimin e 'Njeriut të Ndeshjes' me katër penallti të pritura.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Prill, 09:22

    A besoni se do të zgjidhen çështjet e mbartura Shqipëri-Greqi?

Lajme të tjera