Serie A e futbollit në Itali zhvilloi të dielën katër ndeshjet e radhës për raundin e 33-të. Kur jemi pesë javë nga fundi i sezonit, Juventusi duket se ka 'blinduar' zonën që të dërgon në Champions League pas fitores 2-0 kundër Bolognas në shtëpi.

'Zonja e Vjetër' përfitoi nga barazimi i Romës dhe humbja e Comos, duke e çuar në pesë pikë epërsinë me dy skuadrat më të mundshme që mund t'i rrezikojnë elitën e Evropës.

Në Torino bardhezinjtë e Spallettit kaluan në epërsi pas vetëm disa sekondave lojë. Një krosim i Kalulu nga krahu i djathtë i sulmit bëri që David me kokë të devijonte sferën brenda portës së mbrojtur nga Ravaglia.

Në pjesën e dytë bardhezinjtë 'vulosën' tri pikët para tifozëve të tyre me golin e Kephren Thuram në minutën e 57-të. Ndërkohë që pas disa takimesh pa u futur në lojë, në këtë sfidë 18 minuta mori edhe Edon Zhegrova.

Po të dielën Cremonese dhe Torino e mbyllën sfidën mes tyre me rrjeta të paprekura, Milani fitoi 0-1 në Verona, ndërsa Genoa mori tri pikë shumë të rëndësishme për mbijetesën pas fitores 1-2 në Pisa.

Këtë të hënë luhet Lecce - Fiorentina e cila do përmbyllë këtë raund. Me 78 pikë Interi mbetet në krye të renditjes dhe është shumë pranë zyrtarizimit të titullit të 21-të kampion në Serie A. Pas zikaltërve mbeten Milani dhe Napoli me nga 66 pikë, ndërsa Juventusi ndjek me 63 pikë, pesë më shumë se Como dhe Roma.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Prill, 08:22

    Si ju duk strategjia e drejtorit Hita në organizimin e policisë gjatë protestës së PD?

Lajme të tjera