Innsbruck, Austri - Real Madridi duket në gjendje të mirë në prag të nisjes së sezonit në La Liga. Të besuarit e Xabi Alonsos mposhtën 0-4 austriakët e Tirol, me Kylian Mbappe që shënoi dy gola dhe dhuroi një asist.

Ndeshja nisi mirë për 'Galaktikët' dhe Eder Militao zhbllokoi shifrat në minutën e 10-të pas asistit të Diaz. Vetëm tre minuta më vonë ishte Arda Guler që asistoi për Kylian Mbappe, me këtë të fundit që e ndali sferën në rrjetë.

Në pjesën e dytë trajneri Semlic i Tirol bëri 13 zëvendësime, duke i dhënë mundësinë gjithë lojtarëve të luanin një ndeshje që për ta do mbetet në histori.

Sërish e njëjta melodi në fushë, me Kylian Mbappe që në minutën e 59-të shënoi golin e tretë pas pasimit të Tchouameni. Formën e mirë francezi Mbappe e tregoi edhe në minutën e 81-të, kur pasoi për Rodrygo, teksa kështu u shënua edhe goli i katërt.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera