Kupa e Italisë ka mbyllur të mërkurën fazën çerekfinale, me këtë raund që u luajt me takime teke. Fitorja e Lazios kundër Bolognas u dha të drejtën bardhekaltërve që të marrin biletën e mbetur për në gjysmëfinale, me çiftet pasardhëse që do jenë Lazio - Atalanta dhe Inter - Como. Këto duele do jenë me sistemin vajtje-ardhje, teksa ndeshjet e para do luhen në datat 4 mars dhe ato të kthimit më 22 prill.

Eliminimi i Bolognas, kampione në fuqi e Kupës së Italisë

Në stadiumin 'Renato Dall'Ara' vendasit e Bolognas barazuan 1-1 kundër Lazios në kohën e rregullt. Ishte Bologna që kaloi në epërsi me golin e Castros pas gjysmë ore lojë, ndërsa Noslin barazoi në minutën e 48-të.

Me kohën e rregullt që u mbyll 1-1, skuadrat u drejtuan para pikës së bardhë të penalltisë. 1-4 fitoi Lazio në 'ruletën rusë' duke shënuar me Tavares, Dia, Marusic dhe Taylor. Bologna shënoi vetëm me Dallinga, ndërsa gabuan Ferguson dhe Orsolini.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Mars, 21:56

    Mendoni se ndryshimet në Ekzekutiv do përmirësojnë qeverisjen e vendit?

Lajme të tjera