Për herë të dytë në histori dhe pas 40 vitesh nga suksesi i fundit, Como ia ka dalë që të marrë një biletë për në fazën gjysmëfinale të Kupës së Italisë. Djemtë e Cesc Fabregas ia dolën që në çerkfinale të eliminonin Napolin të martën, në shtëpinë e këtyre të fundit pas penalltive, pasi koha e rregullt u mbyll 1-1.

Sfida në 'Diego Armando Maradona' ishte me raste, pasi dy skuadrat luajnë lojë sulmuese. Ishte Como që kaloi në epërsi pas 39 minutave lojë me Baturinën, teksa ky i fundit u tregua i saktë nga pika e bardhë e 11 metërshit. Me nisjen e pjesës së dytë Vergara barazoi sfidën, ndërsa koha e rregullt u mbyll 1-1.

Pas këtij momenti skuadrat iu drejtuan 11 metërshave, me Comon që fitoi 6-7. Për Napolin gabuan Lukaku dhe Lobotka, ndërsa Perrone gaboi për miqtë. Në fund ishte gardiani Butez i miqve që ndali penalltinë e Lobotkas për të ndezur festën te Como.

Kjo është hera e dytë që Como shkon në gjysmëfinalet e Kupës së Italisë. Për herë të fundit një sukses i tillë ishte arritur në sezonin 1985-86, pra 40 vite më parë. Tanimë Como në raundin e radhës luan kundër Interit, me duelet që do jenë me sistemin vajtje-ardhje. Ndeshja e parë zhvillohet më 4 mars në Como, ndërsa ajo e kthimit më 22 prill në 'San Siro' të Milanos.

Sot në orën 21:00 në 'Dall'Ara' luhet Bologna - Lazio për të përmbyllur fazën çerekfinale të Kupës së Italisë. Fituesi i këtij çifti do përballet më tej kundër Atalantës, me këta të fundit që eliminuan Juventusin.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 9 Mars, 15:01

    PS nuk jep aprovimin për arrestimin e Ballukut, si e vlerësoni?

Lajme të tjera