Milani fitoi mbrëmjen e së mërkurës 0-3 kundër Interit dhe merr biletën për në finalen e Kupës së Italisë. Kuqezinjtë presin sot çiftin Bologna - Empoli për të mësuar rivalët.

NDESHJA - S'ka tripletë për Interin këtë sezon. Ky është një nga detajet e mësuara pas ndeshjes gjysmëfinale të kthimit në Kupën e Italisë, aty ku zikaltërit u mposhtën 0-3 nga 'kushërinjtë' e Milanit. Me rezultatin e përgjithshëm 4-1 Milani është finalisti i parë i Kupës së Italisë, teksa "ia ka marrë dorën" Interit këtë sezon.

Në "San Siro" përballja nisi me stadiumin plot dhe një minutë heshtje në kujtim të Papa Françeskut, i ndarë nga jeta të hënën e 21 prillit. Ngacmimet e para në portat respektive nuk munguan, por duhej minuta e 36-të që Luka Jovic të kalonte në epërsi Milanin. Edhe në nisje të pjesës së dytë ishte sërish Jovic që gjeti golin e dytë dhe të qetësisë, ndërsa Interi nuk "u zgjua".

Për t'i vendosur "kapakun" eliminimit të Interit mendoi Reijnders, që në minutën e 85-të shënoi golin e qetësisë pas asistit të Leaos. 53 minuta si titullar për Interin luajti edhe Kristjan Asllani.

Kështu Milani është finalisti i parë i Kupës së Italisë dhe pasi i mori Interit trofeun e Superkupës, e largon edhe nga Kupa. Megjithatë Interi bashkëkryeson Serie A me Napolin dhe ndodhet në gjysmëfinalet e Champions League ku e pret një përballje dyshe me Barçën.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 17 Janar, 12:58

    A jeni dakord me propozimin e Ramës për Kuvend me 100 deputetë?

Lajme të tjera