Elita e futbollit italian, Serie A mbylli të hënën në mbrëmje raundin e katërt. Në 'Diego Armando Maradona', Napoli mposhti 3-2 Pisan dhe ngjitet në krye të renditjes, duke lënë pas Juventusin me dy pikë më pak.

Sfida nuk ishte e lehtë për të besuarit e Antonio Contes, që përballë debutuesve të Pisas hasën vështirësi dhe fundi i ndeshjes ishte dramatik për tifozët vendas. Billy Gilmour me një gol të bukur kaloi vendasit në epërsi pas 39 minutave lojë. Pasimi final i Spinazzolas bëri që mesfushori i Napolit të lëvizte në zonë dhe me një goditje të saktë ta dërgonte topin në rrjetë.

Në fraksionin e dytë Pisa surprizoi dhe barazoi me Nzola në minutën e 60-të. Sulmuesi u tregua i saktë nga pika e bardhë e 11 metërshit për të vendosur ekuilibrat momentalë.

Napoli rigjeti epërsinë në minutën e 73-të, kur Spinazzola me një të djathtë nga jashtë zone mposhti portierin Semper për herë të dytë. Gol dhe asist për mbrojtësin e Napolit. Minuta e 82-të solli golin e tretë për vendasit, me Lucca që shënoi nga një pozicion i prirët pas pesë minutave që u hodh në fushë.

Paçka se me avantazhin e dy golave, tifozët përjetuan momente 'ankthi' pasi Lorran në minutën e fundit shkurtoi shifrat për 3-2 dhe shtesa prej gjashtë minutash ishte dramatike, paçka se nuk prodhoi gola.

Me 12 pikë Napoli merr vendin e parë në renditje me katër fitore pas po kaq javësh, duke lënë Juventusin në vendin e dytë me 10 pikë, teksa në pozitën e tretë dhe të katërt janë Milani dhe Roma në kuotën e 9 pikëve.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Janar, 18:35

    Arratisja e Ndocit, mendoni se Burgjet kanë standardet e duhura të sigurisë?

Lajme të tjera