La Liga e futbollit në Spanjë po zhvillon raundin e dytë në mesjavë. Mbrëmjen e të mërkurës Real Madridi fitoi 4-1 kundër Real Sociedadit në 'Bernabeu', teksa tre nga golat e 'Galaktikëve' u shënuan nga Kylian Mbappe.

Ekipi i Jose Mourinhos gjeti epërsinë pas 40 minutash lojë. Valverde pasoi bukur për Mbappe, me francezin që e ndali sferën në trekëndësh. Katër minuta më vonë Sociedadi barazoi me Luka Sucic, për ta mbyllur 1-1 pjesën e parë.

Fraksioni i dytë vijoi me Realin më kërkues. Do të ishte sërish Kylian Mbappe që do gjente golin e dytë në minutën e 60-të, këtë herë me asistin e Bellingham. Mesfushori anglez asistoi edhe për Vinicius në minutën e 68-të, teksa 'Galaktikët' siguruan tri pikët. Në minutën e 80-të Kylian Mbappe do të kurorëzonte një mbrëmje speciale me golin e tretë personal dhe të katërtin për Real Madridin.

Me gjashtë pikë pas dy raundeve të para, Real Madridi prin renditjen në La Liga, ndërsa Barcelona luan ndeshjen e saj sot në orën 21:00, në 'Camp Nou' kundër Bilbaos.

S.Dh/Shqiptarja.com
Sa e vlerësoni këtë artikull?
★ ★ ★ ★ ★
LAJMET MË TË VLERËSUARA

Komente

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës: 24 Gusht, 21:21

    Si ju duket plani i qeverisjes i paraqitur në Pogradec nga Rama?

Lajme të tjera