Një dalje jo e studiuar mirë nga portieri Chevalier i kushtoi humbjen PSG-së në 'Klasiken' e Francës kundër Marseille. Në 'Velodrome' ishin vendasit e Roberto De Zerbit që fituan 1-0 falë golit të Naif Aguerd në minutën e pestë të takimit, sfidë e vlefshme për raundin e pestë të sezonit.

Paçka se ndeshja më pas ishte me disa raste për dy skuadrat, në fund vendosi një gol. Në shtesë, tekniku i Marseille, De Zerbi u ndëshkua me karton të kuq. Pas fërshëllimës finale nuk mungoi tensioni në fushë mes dy kampeve.

Me nëntë pikë Marseille ngjitet në vendin e gjashtë, teksa PSG me 12 pikë mbetet në vendin e dytë, me pikë të barabarta me kryesuesit e Monaco.

Dueli ishte programuar për të dielën, teksa u shty me 24 orë për shkak të një stuhie në jugun e Francës. Kjo zhvendosje bëri që yjet e PSG-së mos ishin të pranishëm në ceremoninë e 'Topit të Artë', aty ku ata u shpallën si ekipi më i mirë i vitit dhe sulmuesi i tyre Ousmane Dembele (i dëmtuar) ngriti trofeun.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 12 Mars, 14:12

    PS rrëzon kërkesën e SPAK për arrestimin e Ballukut, si e vlerësoni?

Lajme të tjera