BRIGHTON, Angli - E diela e Premier League në futbollin anglez nisi me surpriza. Në "Amex Stadium", vendasit e Brighton fituan 2-1 me përmbysje kundër Manchester Cityt. Ekipi i Pep Guardiolës sheh dy humbje radhazi pas tre javëve të para të sezonit.

Ndeshja nisi me kujdesin e dy skuadrave për mos pësuar. Paçka një mbrojtjeje të mirë të Brighton, Haaland do përfitonte nga pasimi i Marmoush dhe në minutën e 34-t do kalonte Man. Cityn në epërsi, për ta mbyllur 0-1 pjesën e parë.

Nisja e fraksionit të dytë i gjeti vendasit me tjetër 'marsh'. Duhej veterani James Milner që të vendoste ekuilibrat në minutën e 67-të nga pika e bardhë e penalltisë. Me këtë gol, Milner i cili është 39 vjeç bëhet lojtari më i vjetër që shënon një penallti në Premier League.

Festa nuk u ndal me kaq pasi tifozët e Brighton do 'çmendeshin' nga gezimi vetëm një minutë nga fundi i takimit. Duhej shqiptari që luan për U-21 e Gjermanisë, Brajan Gruda, i cili do shënonte golin me vlerën e tri pikëve pas asistit të Mitoma në minutën e 89-të. Gruda 'uli në tokë' mbrojtësin dhe portierin e Cityt për të shënuar një gol të bukur.

Sukses fantastik për Brighton që sheh të sigurojë tri pikët e para këtë sezon të ri. Në ndeshjen tjetër, Nottingham u mposht 0-3 në shtëpi nga West Ham me golat e Bowen, Lucas Paqueta dhe Wilson në shtatë minutat e fundit të sfidës.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Petro: 31/08/2025 18:55

    Kurse Bild shkruan, Gjermani Gruda shkelqen. Hause merre vesh tani

    Përgjigju
    • Kombetarja: 01/09/2025 01:11

      Luan si sulmues kryesor me kombetaren gjermane ! Kam msndimin qe do jete Klose i se ardhmes

  • Sondazhi i ditës: 4 Prill, 10:21

    Nafta arrin në 224 lekë/litri, a është e mjaftueshme vetëm ulja e akcizës?

Lajme të tjera