Është grabitur gjatë natës arka me lekë e pagesave të ujit të pijshëm në Drejtorinë e Ujësjellës-Kanalizimeve në qytetit e Kuçovës. Mësohet se grabitësit, kanë hyrë nga njëra prej dritareve të kësaj drejtorie dhe pasi kanë shqyer kasën me levë, kanë marrë 2 milion e 200 mije lekë (të vjetra) që ndodheshin brenda saj.
Vjedhja e kasës është pikasur nga punëtorët e kësaj drejtorie mëngjesin e sotëm, pasi kanë shkuar në punë. Ata kanë parë kasën e shqyer dhe kanë njoftuar policinë. Në vendngjarje kanë shkuar forca e policisë, që po punojnë për identifikimin dhe kapjen e autorëve.
Efektivët e policisë janë duke marrë në pyetje punonjësit e kësaj drejtorie si dhe po kërkojnë gjetje e kamerave të mundshme të bizneseve përreth kësaj drejtorie, pasi vetë institucioni nuk ka kamera, gjë që e bën të vështirë identifikimin e autorëve.
Policia e Beratit ka reaguar për grabitjen e drejtorisë së Ujësjellës-Kanalizimeve, ku grabitësit kanë marrë nga kasaforta 2 milion e 200 mijë lekë (të vjetra).
Policia thotë se po punohet për identifikimin dhe kapjen e autorëve, ndërsa thekson se nga këqyrja e vendit të ngjarjes nuk janë konstatuar dëmtime të dyerve dhe dritareve, por vetëm të kasafortës ku ndodhej shuma e parave.
“Rreth orës 08:00, është marrë njoftim se në zyrat e Drejtorisë së Ujësjellësit të Kuçovës, është vjedhur një shumë parash.
Menjëherë në vendngjarje kanë shkuar shërbimet e Policisë dhe grupi hetimor, të cilët në drejtimin e Prokurorisë së Beratit, po kryejnë të gjitha veprimet hetimore, për të identifikuar dhe nxjerrë përpara përgjegjësisë penale, autorin/ët e rastit.
Nga këqyrja e vendit të ngjarjes nuk janë konstatuar dëmtime të dyerve dhe dritareve, por vetëm të kasafortës ku ndodhej shuma e parave.
Vijojnë hetimet për të zbardhur dhe dokumentuar me prova ligjore, rrethanat e rastit, si dhe për të identifikuar dhe arrestuar autorin/ët.
Materialet procedurale do t’i kalojnë Prokurorisë pranë Gjykatës së Shkallës të Parë të Juridiksionit të Përgjithshëm Berat, për veprime të mëtejshme, për veprën penale “Vjedhja”, njofton Policia.
Lajme të tjera
-
"Wine & Stories", verë e mirë, raki dhe muzikë në Berat! Festivalit i bashkohen artistët e njohur
2 Nëntor, 14:59
-
Ndahet nga jeta Parashqevi Sahatçi, historiane, etnografe dhe koleksioniste e njohur
30 Tetor, 19:48 -
Prodhim i mbarë, më shumë vaj ulliri këtë vit në Kuçovë, fermerët: Na ndihmon shteti ta shesim
27 Tetor, 15:30 -
Të shpallur në kërkim për vjedhjen e një shtëpie, dy 18-të vjeçarët ndalohen nga policia në Berat
23 Tetor, 09:51 -
Spiropali në Berat, prezanton nismën ‘Kuvend-ON’: Bashkëbisedim me qytetarët
22 Tetor, 21:20 -
Decentralizimi i shërbimeve bujqësore-Denaj: Marrëveshja me 4 bashki një shërbim dhe vendimmarrje më e mirë
22 Tetor, 15:10 -
Tetori rozë/ 55-vjeçarja rrëfen betejën me kancerin e gjirit: Më doli gjëndër në gjoks, s’e dija çfarë ishte! Mjekët: Bëni eko dhe mamografi çdo vit
20 Tetor, 16:00
-
Skrapar/ Iu gjet në banesë 6.4 kg kanabis dhe 1 armë zjarri, në pranga 33-vjeçari (EMRI)
18 Tetor, 15:12 -
Drejt përfundimit ‘Ura e Bilçës’, lidh disa fshatra dhe aksin e vjetër kombëtar! Rama: Portë e madhe e prurjeve turistike drejt Beratit mijëravjeçar!
17 Tetor, 14:59 -
Poliçan/ Kishin kultivuar kanabis në fshatin Plashnik, asgjësohen 116 bimë, 5 të arrestuar, mes tyre edhe një 21-vjeçar (EMRAT)
15 Tetor, 14:10 -
Çelet ekspozita me 34 piktura në Berat! ‘Mangalemi’ i Pashk Përvathit vjen në të gjitha dimensionet e dritëhijet e tij
12 Tetor, 16:41
-
Berat, bie prodhimi i ullinjve, s’ka subvencione dhe as krah pune! Agronomi: Qeveria i ka braktisur fermerët
8 Tetor, 17:53
