Grabiten paratë e asistencës dhe pensioneve në postën e Bulqizës, autori i maskuar qëlloi me armë dhe theu derën (VIDEO)

Paratë e pensioneve dhe të ndihmës ekonomike janë grabitur mesditën e sotme sapo u sollën në Postën e Fushë Bulqizës. Ngjarja ka ndodhur rreth orës 12:00, ndërsa autori ka marrë 460 mijë lekë. Sipas burimeve të Report Tv grabitja është kryer sapo paratë u sollën nga qendra për në zyrën postare nga blindi.

Në momentin që blindi u largua, autori i maskuar ka qëlluar njëherë me armë zjarri në ajër duke kërcënuar punonjësit e zyrës postare dhe më pas ka thyer derën duke u futur brenda duke marrë paratë në arkë. 

Report Tv sjell pamjet nga vendi i ngjarjes, ku duket dera e thyer. Policia pas sinjalizimit është vendosur në ndjekje të autorit, por deri tani nuk ka asnjë të arrestuar. Janë ngritur pika kontrolli dhe vijon krehja e zonës. Autori i ka njohur mjaft mirë lëvizjet në postë dhe datën kur do të vinin paratë duke ndërhyrë sapo u futën në arkë.

LEXO EDHE:
Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Pamjet nga vendi i ngjarjes, dera e thyer e postës që u grabit në Fushë Bulqizë

Gëzhoja e ngelur në vendin e ngjarjes

Lajmi në përditësim.....

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1490

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq