Grabiti 30 mijë euro në pikën e këmbimit valutor në Tiranë dhe u largua me biçikletë, Report TV siguron foton e autorit 39 vjeçar

Agjentët e Komisariatit nr. 6 kanë mundur të gjurmojnë autorin e ngjarjes, Artan (Marius) Tafani përmes vëzhgimit të kamerave të sigurisë. Janë gjurmuar lëvizjet e tij hap pas hapi, para dhe pas ngjarjes. Ka lëvizur me biçikletë dhe me taksi, ndërsa ka qenë vetë 39-vjeçari që ka dërguar rrobat dhe materialet e tjera në garazhin e 35-vjeçarit Enio Mecaj, të cilat i ka pasur veshur ditën e grabitjes.

Gjatë kontrollit në garazh u gjet dhe një makinë e vjedhur në Shijak, ngjarje që kishte mbetur e pazbardhur, për të cilën dyshohet se autor janë Tafani dhe Mecaj. Artan (Marius) Tafani rezulton me precedent të theksuar kriminal, sidomos në grabitje.

Lajmi kryesor:

Zbardhet grabitja e 30 mijë eurove në pikën e këmbimit valutor në Tiranë, identifikohet autori! I dënuar më parë! Në pranga bashkëpunëtori i tij (EMRAT)

B.V/Shqiptarja.com

TAG:
• Artan Tafani