Policia e Kosovës ka kryer kontrolle në argjendarinë në Prishtinë, pronari i së cilës u arrestua një ditë më parë (30 nëntor) nën dyshimin se ka lidhje me grabitjen e një argjendarie në Suharekë.
Brenda argjendarisë u konfiskuan stoli ari të cilat dyshohet se janë blerë nga grupi që ka kryer grabitjen në Suharekë.
Ndërkohë, dje u arrestua pronari i argjendarisë T.B. Ai dyshohet se ka bashkëpunuar me grabitësit që kryen plaçkitjen në një argjendari të Suharekës të mërkurën (29 nëntor).

Deri më tani janë arrestuar shtatë persona lidhur me grabitjen në Suharekë javën e kaluar. Një prej të dyshuarve që mori pjesë në grabitje, u vra gjatë shkëmbimit të zjarrit me policinë.
Komente

