Grabitja e bankës në Koplik/ Autorët pasi dogjën makinën e tyre, i vodhën 'Benz-in' një qytetari të rastësishëm dhe u arratisën

Detaje të reja kanë dalë në dritë nga grabitja e bankës në Loplik. Mësohet se grabitësit kanë djegur makinën e tyre Volkswagen në një kryqëzim në dalje të qytetit, teksa më pas i kanë vjedhur një Benz një qytetari dhe janë larguar me të.

"Rreth orës 14:10, jemi njoftuar se disa persona të paidentifikuar kanë vjedhur, nën kërcënimin e armës, një shumë parash në filialin e një banke të nivelit të dytë, në Koplik, Malësi e Madhe, dhe më pas janë larguar me një mjet tip “Volksëagen”, të cilin e kanë djegur në dalje të qytetit. Personat, ende të paidentifikuar, pasi kanë djegur automjetin e tyre, kanë vjedhur nën kërcënimin e armës, një automjet tjetër tip “Benz” të një qytetari të rastit dhe janë larguar.

LEXO EDHE:
Hani i Hotit/ Kapet një 31-vjeçar i kërkuar nga drejtësia italiane, akuzohet për trafik narkotikësh

Shërbimet e Policisë janë vënë në ndjekje të autorëve. Në ndihmë të Policisë lokale janë nisur shërbimet e Drejtorisë Vendore të Policisë Shkodër dhe grupe të FNSH Shkodër. Gjithashtu janë ngritur pika kontrolli, me qëllim identifikimin dhe kapjen e autorëve. Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, po punon për zbardhjen e ngjarjes dhe sqarimin e plotë të rrethanave të saj", njofton policia.

Lajmi kryesor:

Zbrazën bankën në 7 minuta! 3 grabitësit në Koplik 'shtangin' policinë, djegin makinën e tyre dhe 'rrëmbejnë' një tjetër! VIDEO kur Policia ngre helikopterin në ndjekje të tyre

B.K./Shqiptarja.com

TAG:
• grabitje
• Shkoder
• koplik