POP 5

Lajmet më të lexuara të 5 minutave të fundit

Kronikë

Grabitje me armë në mes të Tiranës, Report Tv siguron dosjen! I riu: Erdhën 4 vetë, njëri më tha ‘jam i antidrogës’! I arrestuari: Donim të vidhnim një sirian

‘Jam i antidrogës, ku i ke lekët’. Kështu nisi një grabitje pasditen e 8 gushtit afër qendrës Kristal, në një prej zonave më të popullara të Tiranës.

‘Jam i antidrogës, ku i ke lekët’. Kështu nisi një grabitje pasditen e 8 gushtit afër qendrës Kristal, në një prej zonave më të popullara të Tiranës.

Kevin Zekës i grabitën me armë 1450 euro dhe biçikletën, ndërkohë që të arrestuarit Sebastjan Ogiçi, Ruzhdi Thomas e Marjus Fejzulla janë lënë në punë. Ndërsa në kërkim është edhe njëri prej autorëve, Elvis Sejdo.

Report Tv ka siguruar dosjen. Në dëshminë e tij viktima Kevin Zeka ka thënë se sapo ka dalë nga puna e ka ndaluar Sebastjan Ogiçi bashkë me një tjetër dhe e kanë kërcënuar me armë

“Sebastjan Ogiçi më kërkoi paratë dhe më tha që është i antidrogë, shkojmë te zyra. Nën kërcënimin e armës po më çonin drejt zyrës pasi nuk i vunë re lekët që kisha në çantë  Sebastjan Ogiçi më tha të mos bëj veprime se do të më vriste. Afër zyrës munda të iki, por Ogiçi bashkë me 3 të tjerë më dolën para dhe më morën çantën”, ka thënë ai.

Në dosje është edhe dëshmia e njërit prej të arrestuarve, Ruzhdi Thomas. Ai ka mohuar që objektivi i grabitjes të ishte Zeka por një sirian.

 “Sebastjani më tregoi planin për grabitjen e një siriani, më tregoi edhe armën.  Kevin Zekën e ndaluam dhe i kërkuam të na tregonte ku rrinte siriani. Kevin Zeka na çoi te shtëpia e sirianit, i cili doli me thikë, por ia doli të mbyllte derën. Kevin Zeka na iku, por e kapëm dhe i morëm çantën dhe e goditëm”, ka thënë ai.

Në kuadër të operacionit “Escpae” Policia e Tiranës nëpërmjet komisariatit numër dy e katër zbuluan autorët e dyshuar, mekanizmin e ngjarjes si dhe sekuestruan paratë, bicikletën e grabitur, pistoletën dhe cannabis sativa.

Pjesë nga dosja e siguruar nga Report TV 

K.T./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Kupa e Botës/ Lara Colturi grumbullon pikë të tjera për Shqipërinë, renditet e 13-ta në Austri

Kupa e Botës/ Lara Colturi grumbullon pikë të tjera për Shqipërinë, renditet e 13-ta në Austri

15 Janar, 10:25