Kjo pasi, vendimi i lirimit të tij nga gjyqtarja Mirela Mishgjoni është apeluar nga Prokuroria dhe Gjykata e Apelit të Vlorës, e cila ka vendosur në muajin dhjetor 2016 që Çalajt t'i lihet në fuqi dënimi me 5 vjet heqje lirie, dhe këtë dënim duhet ta vuajë në qeli dhe jo në shërbim prove.
Ky vendim i marë në fund të vitit nga gjykatësja Margarita Buhali, bën që juridikisht Çala të jetë në kërkim jo vetëm nga drejtësia Greke, por dhe ajo Shqiptare.
Mirëpo pavarësisht i arrestuar nga policia dhe më pas i liruar nga gjykata e Vlorës, Çala dyshohet se ka vijuar të bashkëpunojë me Admir Murataj, niprat e tij dhe persona të tjerë për të grabitur eurot dhe dollarët në furgonat me blinda.
Më 29 qershor 2015 Çala është arrestuar nga policia e Vlorës, për katër akuza, si falsifikim dokumentash, falsifikim pasaporte, pistoletë pa leje dhe prodhim dhe mbajtje të lëndëve narkotike.
Çala kishte mbëritur në këtë qytet së bashku me familjen e tij për të pushuar disa ditë.
Ai kishte gjetur strehim në apartamentin e vjehrës së vllait të tij, Eldi Çala. Në momentin e arrestimit Çala ka qënë në shoqërinë e kushëririt të tij me emrin Alkond Bengasi, dhe se të dy ndodheshin në automjetin Benz-Mercedez me targë AA 447 KO.
Ky automjet ndodhet në pronësi të shtetases me emrin Sulltana Mançka. Gjyqtarja që i fali dënimin me 5 vjet burg Klement Çalës është Mirela Mishgjoni.
Kjo e fundit në vitin 2013 është sulmuar me acid nga një person i cili ja ka hedhur në fytyrë.
Nertil Zotaj, një 24-vjeçar u arrestua për këtë ngjarje ndërkohë që shumë shpejt, ai ndjeu pendesë për veprimin e kryer për shkak se gjyqtarja i kishte bërë një padrejtësi.
Në rrëfimin e saj për policinë, gjyqtarja e çështjeve penale në Gjykatën e Shkallës së Parë në Vlorë, ka deklaruar se nuk e njihte të riun që e sulmoi me acid.
Redaksia Online
l.q/Shqiptarja.com