Tragjedi në Gramsh, mbyten në Liqenin e Banjës babai me 2 djemtë e mitur dhe nipin! Palombarët nxjerrin nga uji trupat e 4 viktimave (VIDEO)

Babai dy djemtë e tij, 19 e 14 vjeç dhe nipi 20 vjeç kanë dashur të ndihmojnë njëri tjetrin por nuk kanë mundur t'ia dalin. Tërheqja ka qenë më e fortë dhe të katërt janë mbytur.

Shefi i Zjarrfikëses së Gramshit, Ilir Llapushi zbulon se çfarë mund të ketë ndodhur pasditen e 21 korrikut 2023 në liqenin e Hidrocentralit të Banjës në fshatin Drizë të Gramshit, me Arben Zogun, 46 vjeç, Rubensin 19 vjeç dhe Estin e vogël 14 vjeç si dhe nipin e tij Melis Zogu, 20-vjeç..

“Kanë tërhequr njëri tjetrin. Është mbytur i pari, ka shkuar tjetri për ta ndihmuar, dhe më pas tjetri dhe më pas djali tjetër. Nuk kanë ditur not”

Liqeni i HEC të Banjës karakterizohet nga gropa për të cilat duket se asnjë nga viktimat nuk ka qenë në dijeni.

“Këtu fatkeqësisht ka pasur disa gropa që janë bërë në kohën e bërjes së HEC të Banjës. Kanë marrë dhe për HEC.Kur janë future për tu larë nuk kanë ditur gjë për gropat dhe kanë tërhequr njëri tjetrin.

Liqeni i HEC të Banjës nuk frekuentohet për të bërë plazh dhe për shefin e zjarrfikëses kjo tragjedi është e papritur.

“Në këtë liqen nuk lahet njeri. Këtu nuk është plazh. Ata nuk e di mbase kanë ardhur për peshk, nuk e di. Ne patrullojmë vazhdimisht këtu dhe këtu nuk lahet njeri. Edhe dje ishim. Patrullojmë liqenin me gomone, por fatkeqësisht sot nuk erdhëm” tregon më tej .

Ka një apel për të gjithë, kujdes nëse nuk dini not. Sidomos Liqenet . "Një që nuk di not nuk duhet të futet në liqen sepse është shumë e rrezikshme"

Policia u njoftua rreth orës 19:00 nga familjarët për zhdukjen e tyre, ndërsa vonë u arrit nxjerrja e trupave të pajetë nga liqeni. Palombarëve të RENEA-s u  janë dashur rreth 90 minuta kërkime për të gjetur trupat e pajetë të babait dy djemve të tij dhe nipit 20 vjeçar.

Përmes një njoftimi për median policia konfirmon se pas rreth 90 minuta kërkimesh janë gjetur trupat e pajetë të babait dy djemve të tij dhe kushëririt 20 vjeçar

"Polumbarët e Reneas  pas rreth 90 minuta kërkimesh, në kushte të pafavorshme për shkak të  errësirës kanë bërë të mundur gjetjen dhe nxjerrjen e trupave të pajetë të 4 shtetasve, që u mbytën pasditen e sotme në liqenin e hidrocentralit të Banjës, ( 46-vjeçarit A. Z., të dy djemve të tij, R. Z., 19 vjeç dhe E. Z., 14 vjeç si dhe të 20-vjeçarit M. Z)'

Një nga të afërmit e 4 viktimave që mbetën të mbytur në liqenin e Banjës në Gramsh, u shpreh se ata kishin shkuar për tu larë që prej orës 15. Sipas tij ata i morën rreth orës 17 në telefon, por nuk po u përgjigjeshin.

‘‘Na thanë do shkojmë për tu larë. Siç ishin me shapka. Siç u nisën nga shtëpia. Na thanë që nuk do të vohohemi më shumë se një orë. U nisën në orën 15:00, në orën 17:00 i merrnim në telefon por nuk na dilnin. Nuk dinim as ku kishin shkuar.

Palombarët e Renas kanë nxjerrë nga uji edhe trupat e 3 viktimave të tjera që mbetën të mbytur në Liqenin e Banjës. Në liqenin e Banjës u mbytën babai 46 vjeç, dy fëmijët 19 dhe 14 vjeç dhe kushëriri i tyre Melis Zogu, 20 vjeç. Trupi i parë që u nxor nga uji ishte ai i 46-vjeçarit. Forcat RENEA nxorrën nga liqeni i Banjës pas 90 minutash kërkimë 4 viktimat që u mmbytën pasditen e sotme (21 korrik) në këtë liqen.

‘Angazhimi maksimal e profesional i Polumbarëve të Reneas bëri të mundur gjetjen dhe nxjerrjen e trupave të pajetë të katër shtetasve të mbytur në liqen, mbasditen e sotme. Polumbarët e Reneas  pas rreth 90 minuta kërkimesh, në kushte të pafavorshme për shkak të  errësirës kanë bërë të mundur gjetjen dhe nxjerrjen e trupave të pajetë të 4 shtetasve, që u mbytën pasditen e sotme në liqenin e hidrocentralit të Banjës, ( 46-vjeçarit Arbe Zogu, të dy djemve të tij, Rubens Zogu, 19 vjeç dhe Esti Zogu, 14 vjeç si dhe të 20-vjeçarit Melis Zogi).’- njofton Renea.

Forcat palombarë të Reneas kanë nxjerrë nga uji trupin e Arben Zogut, 46-vjeçarit i cili mbeti i mbytur në liqenin e Banjës në Gramsh. Report Tv sjellë momentet kur forcat e Reneas nxjerrin trupin e pajetë, ndërsa vijojnë kërkimet për nxjerrjen e trupave të tjerë. Babai, Arben Zogu bashke me dy djemtë e tij të mitur dhe nipin janë mbytur në liqenin e Banjës në Gramsh.

Report Tv sjellë pamjet nga Liqeni i Banjës, ku u mbytën tragjikisht babai me 2 djemtë e mitur si dhe kushëriri i tyre.

Nga pamjet nga vendi i ngjarjes shihen forca të shumta të policisë si dhe palombarët e Reneas të cilët po bëhet gati që të futen për të nxjerrë nga uji trupat e 4 viktimave.

Tragjike në Gramsh! Babai me 2 djemtë e mitur dhe kushëriri i tij janë mbytur ne liqenin e Banjës në Gramsh. Burime për Report Tv bëjnë me dije se janë mbytur Arben Zogu 46 vjeç  dhe dy djemtë e tij, 19-vjeçari Rubens dhe 14-vjeçari Esti Zogu. Gjithashtu është mbytur edhe nipi i 46-vjeçarit, Melis Zogu 20-vjeç.

Babai me 2 djemtë e mitur dhe kushëriri i tyre dyshohet se janë mbytur në Liqenin e Banjës në Gramsh.

Sipas familjarëve ato janë futur për tu larë por nuk kanë dalë më, ndërsa palombarët e Reneas, janë nisur drejt vendit të ngjarjes për të bërë të mundur nxjerrjen e trupave të tyre.

Buzë liqenit policia thotë se gjeti dy motoçikleta, tre celularë dhe rrobat e tyre të trupit.