POP 5

Lajmet më të lexuara të 5 minutave të fundit

Kronikë

Gramsh/ Vrasja e 15-vjeçarit pas sherrit për rrjetet sociale, shtyhet sërish seanca për 4 të miturit! Familjarët e viktimës akuza trupës gjykuese

Është shtyrë sërish sot seanca gjyqësore në ngarkim të katër adoleshentëve të akuzuar për vrasjen e Fatjon Bicit në maj të 2023 në Gramsh. Shkak është bërë mosparaqitja e avokatëve mbrojtës të njërit prej të plagosurve nga kjo ngjarje

Gramsh/ Vrasja e 15-vjeçarit pas sherrit për rrjetet sociale, shtyhet sërish seanca për 4 të miturit! Familjarët e viktimës akuza trupës gjykuese

Fatjon Bici

ELBASAN- Është shtyrë sërish sot seanca gjyqësore në ngarkim të katër adoleshentëve të akuzuar për vrasjen e Fatjon Bicit në maj të 2023 në Gramsh. Shkak është bërë mosparaqitja e avokatëve mbrojtës të njërit prej të plagosurve nga kjo ngjarje.

Gjatë seancës pati tensione në sallë dhe jashtë gjykatës nga familja e viktimës Fatjon Bici, të cilët akuzojnë trupin gjykuese se qëllimisht ka shtyrë seanca duke i akuzuar për korrupsion dhe sorollatje të qëllimshme të procesit. Për të qetësuar situatën ka ndërhyrë policia e shtetit duke larguar familjarët. Seanca e radhës gjyqësore është caktuar të mbahet më 18 mars ora 13:30.

Ndërkohë gjatë seancës paraprake avokati i familjarëve të viktimës ka ankimuar “gjykimin e shkurtuar”. Sakaq, seanca e radhës është caktuar më datë 28 shkurt ora 14:00 në Gjykatën e Elbasanit.

Ndaj të miturve O. Çarçiu, E. Karaj, S. Murati, Xh. Çekrezi rëndojnë akuzat; “vrasje në rrethana të tjera cilësuese e kryer në bashkëpunim” “vrasje në rrethana të tjera cilësuese e mbetur në tentativë”, “Prodhimi, mbajtja, blerja apo shitja pa leje e armëve të ftohta ”. Për të gjitha veprat penale që rëndojnë ndaj tyre, rrezikojnë deri në 15 vite burg.

Më 16 Maj 2023 Fatjon Bici u vra me thike vetëm pak metra larg shkollës, në lulishten e qytetit të Gramshit. Katër autorët e moshës 15 dhe 16 vjeç i bënë pritë kushëririt të Fatjon Bicit, me të cilin ishin konfliktuar në rrjete sociale. Të pajisur me thika dhe doreza forcuese grushti sulmuan kushëririn e Fatjonit, ndërsa ky i fundit mbeti i vrarë, teksa hyri për ta mbrojtur.

Në dosjen e prokurorisë, citohen mesazhet e shkëmbyera mes djemve në konflikt ku i dërgonin njëri tjetrit në ‘snapchat’ foto të thikave dhe përforcues grushti. Sherri nuk kishte një motiv të qartë, por adoleshentët ishin grindur në një park lojërash e më tej i tregonin forcën njeri-tjetrit ne rrjetet sociale.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

23 Janar, 23:03