POP 5

Lajmet më të lexuara të 5 minutave të fundit

Politikë

Gratë, paqja dhe siguria, Ministrja e Jashtme niset drejt SHBA, merr pjesë në debatin e Këshillit të Sigurimit

Kjo është hera e parë që Ministrja Xhaçka merr pjesë në një event të Këshillit të Sigurimit, si përfaqësuese e Shqipërisë, që prej 1 janarit 2022 anëtare e KS të OKB.

Gratë, paqja dhe siguria, Ministrja e Jashtme niset drejt SHBA, merr pjesë në debatin e Këshillit të Sigurimit

Foto ilustruese

Ministrja për Evropën dhe Punët e Jashtme, Olta Xhaçka është nisur drejt SHBA, për të marrë pjesë në debatin e hapur në Këshillin e Sigurimit me temë Gratë, Paqja dhe Siguria.

Debati zhvillohet në nivel ministror dhe do të fokusohet tek dhuna ndaj grave për shkak të angazhimit të tyre në proceset e paqes dhe sigurisë. Kjo është hera e parë që Ministrja Xhaçka merr pjesë në një event të Këshillit të Sigurimit, si përfaqësuese e Shqipërisë, që prej 1 janarit 2022 anëtare e KS të OKB.

Dhuna ndaj grave aktiviste të të drejtave të njeriut dhe shoqërisë civile dhe aktet e hakmarrjes ndaj tyre nga aktorë shtetërorë dhe jo-shtetëror në zona konflikti vazhdon të mbetet një problem shqetësues.

Më 11 qershor 2021 Shqipëria u zgjodh anëtare jo e përhershme e Këshillit të Sigurimit për periudhën 2022-2023 duke shënuar një ditë historike. Shqipëria ishte vendi i vetëm nga ata që ishin në garë që nuk kishte qenë asnjëherë anëtare e Këshillit të Sigurimit. Shqipëria bën pjesë në Organizatën e Kombeve të Bashkuara që nga dhjetori i vitit 1955, me përfaqësues në Asamblenë e Përgjithshme. Zgjedhja në Këshillin e Sigurimit, për herë të parë pas 66 vitesh anëtarësim në OKB, përfaqëson sfidë madhore, por dhe një mundësi të shkëlqyer për Shqipërinë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, 30 plumba drejt makinës së Kevin Hajrullës

Atentati në Vlorë, 30 plumba drejt makinës së Kevin Hajrullës

19 Dhjetor, 00:08