POP 5

Lajmet më të lexuara të 5 minutave të fundit

Arkiva

Grekët gjunjëzohen, Pangallos:
"Shqipëria nuk na e ka nevojën"

Ish zv/kryeministri grek dhe ministër në të gjitha qeveritë e PASOK, personalitet i fuqishëm në jetën politike e intelektuale greke, bën një krahasim të ekonomive aktuale greke dhe shqiptare. Ai i referohet për këtë, një raporti sekret të CIA, me të dhëna për ekonomitë e dy vendeve.
Ish zv/kryeministri grek dhe ministër në të gjitha qeveritë e PASOK, personalitet i fuqishëm në jetën politike e intelektuale greke, si edhe një personalitet i guximshëm për deklaratat e tij po aq të guximshme, Theodhoros Pangallos ka deklaruar në një shkrim në gazetën prestigjioze greke “To Vima” se: “Shqipëria nuk na e ka nevojën”.

Duke iu referuar ngjarjes së vitit 2004, kur pas fitores së Shqipërisë ndaj Greqisë në futboll, pasoi dhuna dhe thirrjet antishqiptare të tipit “Grek lind dhe nuk bëhesh kurrë, o shqiptar, o shqiptar!”, Pangallos bën një krahasim të ekonomive aktuale greke dhe shqiptare. Ish zëvendëskryeministri grek i referohet për këtë, një raporti sekret të shërbimit informativ amerikan, me të dhëna për ekonomitë e dy vendeve.

“Është e natyrshme që një milion shqiptarë, të cilët jetojnë dhe punojnë në Greqi të dëshironin të festonin fitoren e ekipit të tyre të futbollit në pjesë të ndryshme të Athinës dhe në qytete të tjera, ku u rrahën dhe më pas u arrestuan nga policia. Përse po e kujtoj këtë fakt? Sepse na ra në dorë një raport sekret nga CIA amerikane, me titull “Krahasimi i ekonomive”, shprehet Pangalos.

“Papunësia në Greqi arrin 24% dhe vendi është i 172-ti në botë, ndërkohë që Shqipëria shënon vetëm 13% të papunë dhe është në vendin e 133. Investimet në kapital fiks në Greqi janë 10% të PBB, ndërsa në Shqipëri arrijnë 25% të PBB. Shqipëria ka një defiçit buxhetor vjetor -3.3%, ndërsa Greqia lufton që të qëndrojë në -9.5% dhe këtë vit lëviz në deri -15%. Borxhi i Shqipërisë është 60% i PBB ndërsa ai i Greqisë 161% i PBB. Shqipëria është në vendin e 47 në botë për borxhin, ndërsa Greqia në vendin e 3-të”, vëren politikani i lartë grek, referuar raportit në fjalë.

Pangallos e mbyll analizën e tij duke thënë: “Shqipëria po i plotëson të gjitha kushtet formale për të hyrë në euro. Ajo ushtron një politikë sistematike e të pavarur për t’u afruar me BE dhe nëse e doni ta them me fjalë të tjera “As që na e ka nevojën fare”".
"Eshtë e vështirë tani të këndoni të njëjtën këngë shoviniste me mospërfillje si në vitin 2006, “Grek lind dhe nuk bëhesh kurrë, o shqiptar, o shqiptar!", përfundon ai.

Sa për kujtesë, Pangallos vazhdimisht ka bërë të tilla deklarata sfiduese për jetën politike e mentalitetin social grek. E famshme është shprehja e tij, e cila u “dogji” të gjithëve përpara tre viteve, kur Greqia pranoi ekzistencën e krizës ekonomike dhe faktikisht falimentimin e shtetit dhe të ekonomisë, si edhe pranimin e memorandumeve të imponuara nga Trojka europiane.

Shprehja e tij lapidar ishte: “Kush e ka fajin për këtë gjendje tragjike të ekonomisë? Të gjithë, politikanët dhe populli. Bashkë I hëngrëm të gjitha!”

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35