GREQI-Policia ka arrestuar në mesnatë 2 shqiptarë me 190 kilogramë kanabis  në një fshat në afërsi të Janinës.
 
Sipas komunikatës së policisë helene, në fshatin Qefalovrisi disa kilometra larg nga kufiri shqiptaro-grek në një zonë malore janë gjetur 8 çanta udhëtimi të mbushura me 67 pako cannabis.
 
Aty pranë policët kanë kapur edhe dy shqiptarët që kanë tentuar të largohen. Sasia e drogës e kapur ishte saktësisht 189 kilogram dhe 750 gram.
 
Identiteti i dy shqiptarëve nuk bëhet i ditur, por policia bën me dije se ata janë 34 dhe 33-vjeç.


dy.b/shqiptarja.com