/ATSH-AFP/ - Athina vendosi sot t'u japë një shtysë të re diskutimeve me kreditorët, BE dhe FMN duke riorganizuar ekipet e negociatave, bënë të ditur burime qeveritare.
"Një ekip politik për negociatat do të krijohet nën drejtimin e Janis Varufaqis, ministër i Financave me koordinator Euclides Tsakalotos, zëvendësminitër i Punëve të Jashtme i ngarkuar me marrëdhëniet ekonomike ndërkombëtare", theksoi i njëjti burim.

Ky riorganizim ndodhi tre ditë pas një takimi jozyrtar të ministrave të Financave të zonës euro (Eurogrup) në Riga gjatë të cilit duket se një klimë negative është krijuar kundër Janis Varufaqis, i cilësuar si përgjegjës nga partnerët ndërkombëtarë për bllokimin e negociatave përsa i përket vazhdimit të dhënies së kredive për Greqinë.