POP 5

Lajmet më të lexuara të 5 minutave të fundit

Arkiva

GREQI – Deficiti publik i 2014-ës më i lartë nga parashikimet

ATHINË, 15 prill /ATSH-AFP/ – Greqia regjistroi në vitin 2014 një deficit publik prej -3,5 për qind të PBB-së, më i lartë se parashikimet, ndërkohë që borxhi publik ka arritur në 177,1 për qind dhe sufiçiti primar 0,4 për qind, sipas vlerësimeve të para të publikyara sot nga shërbimi i statistikave greke (Elstat). Sipas parashikimeve […]
ATSH-AFP - Greqia regjistroi në vitin 2014 një deficit publik prej -3,5 për qind të PBB-së, më i lartë se parashikimet, ndërkohë që borxhi publik ka arritur në 177,1 për qind dhe sufiçiti primar 0,4 për qind, sipas vlerësimeve të para të publikyara sot nga shërbimi i statistikave greke (Elstat).
Sipas parashikimeve buxhetore të qeverisë së mëparshme të koalicionit të djathtë-socialist, deficiti publik duhet të ishte -1,3 për qind e PBB-së, ndërkohë që Komisioni Evropian e kishte parashikuar në -1,6 për qind.
Duke iu referuar sufiçitit primar, rezultati është gjithashtu më i ulët nga pritshmëritë, buxheti i votuar në muajin dhjetor nga qeveria e mëparshme ishte parashikuar në dy për qind të PBB-së për vitin 2014 pas 0,8 për qind në 2013-n.
Barra e borxhit publik është rritur në vitin 2014 në 317,1 miliardë euro kundër 319,178 miliardë në vitin 2013, sipas të dhënave të Elstat. Borxhi është ulur në vlerë absolute, por rritur kur krahasohet me PBB-në që ika arritur nga 175 për qind në vitin 2013 në 177,1 për qind në vitin 2014.
Duke vlerësuar se politikat shtrënguese nuk kanë arritur të rimëkëmbin ekonominë e vendit, qeveria e re e të majtës radikale Syriza, në pushtet që prej fundit të muajit janar, premtoi fundin e masave shtrënguese të vendosura që prej fillimit të krizës në vitin 2010 dhe kërkon të marrë nga kreditorët BE dhe FMN një reduktim të borxhit publik.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

10 Janar, 23:03