Greqia, vendi ka ku buruan festat me maska, satira e teatro, feston sot  ditën e Karnavaleve. Karnavalet përbëjnë një festë shumëngjyrëshë pagane, me prejardhje nga festat e Dionisit që zunë fill në antikitetin grek. Megjithatë, tashmë festohen ditën kur fillon Kreshma, katër javë përpara të Dielës së madhe. Qyteti shqiptar që i ka karnavalet pjesë të kulturës së tij, është Korça. Festa e karnavaleve është një përzierje maskash, kostumesh nga më të guximshmet, këngësh, vallesh e paradash.

Festimet kanë nisur që mbrëmjen e djeshme në disa qytete të Greqisë dërsa në qytete të tjera po festohet sot, ku pjesëmarrësit kryesorë të festimeve janë nxënësit e shkollave.

nx shkolle karnavale

Nxënës shkolle në Greqi, Karnavale 2018

Një ndër qytetet greke që shquhet për “Karnavalet” e tij është Patra, e cila është ndezur nga ngjyrat dhe zërat gjatë mbrëmjes së djeshme.

Për banorët dhe vizitorët e Patrës, e shtuna ishte një natë gëzimi, argëtimi, humori dhe lirie. Kërcimet dhe orkestra ishin dinamike, kostumet të mirëpërzgjedhura nga ana estetike, njerëzit ishin entuziastë dhe nuk mungonin pijet e ndryshme. Vend kryesor zinte satira e përfshirë në këngë, teatro, kukulla e kostume, karakteristike kjo për një paradë karnavalesh. Këta elementë krijuan një atmosferë të këndshme festive.

Parada është ndjekur nga rrugicat e Korintit, nga ballkonet e rrugës Gunari - Kolokotroni dhe natyrisht në sheshin kryesor të Karnavaleve, sheshin Georgiu.

Me mijëra vizitorë, të rinj, familjarë dhe fëmijë u përfshijnë në madështinë e Karnavaleve. Festimet kanë zgjatur deri në mëngjes.

[gallery]25591[/gallery]

d.gj/ Shqiptarja.com