E ka përndjekur ndër vite, figurën e At Gjergj Fishtës, fakti që në vitin 1939 pranoi të emërohej si anëtar i Akademisë Italiane. Është akuzuar për mungesë patriotizmi, deri edhe nga kolegët e tij, disa syresh, kanë bërë më vonë mea culpat përkatëse. Por, një dëshmi e rrallë e Ernest Koliqit, lidhur me këtë fakt, është botuar rishtazi në librin “Fishta rileximi në kohën e lirisë” të publicistit Frano Kulli.
Koliqi pohon se në qershorin e vitit 1939 është thirrur në Ministrinë e Punëve të Jashtme Italiane, ku është pyetur lidhur me emrat që do të ishin adapt për këtë titull, ku ndër të tjera rrëzon edhe vetë emrin e tij.
“U përgjigja, simbas pikëshikimit tim modest, se ekzistonin dy shkrimtarë shqiptarë që s’do të kishin ba figurë të keqe në gjinin e Akademisë: z.Fan Noli e Faik Konitza, por shtova se banonin, prej shumë kohës në Amerikë. Kështu Fishta ishte i vetmi që u emnue akademik i Italisë. Emnimi, tue qenë se nuk ishte paralajmërue gjeti në befasi”, shprehet Koliqi në dëshminë e tij.
Më tej, Koliqi tregon se pas vlerësimit, ka pasur një takim me Fishtën.
“Kur mbas ceremonisë, e pashë në gjinin e Akademisë së Italisë, më shprehu tanë entuziazëm, fjalët që i kishte thanë Papa Piu XII: ‘Jam i kënaqun për eminimin tand akademik, sepse nëpërmjet teje nderohet Urdhni i Shën Françeskut e kombi shqiptar’. Mandej poeti e la këtë temë dhe nisi të më shprehë brengat e tij për situatën evropiane. Ishim në fillimin e 1940-ës. Nji fat i kobshëm po na ndjek!”-thirri renkueshëm, a thue se po fliste me vete – “E druej fort për të ardhmen e Shqipnisë...”, shkruhet më tej në dëshminë e shkrimtarit.
Në dhjetor të atij viti Fishta u nda nga jeta. Pas ndalimit në diktaturë botimi i publicistit Kulli hedh dritë me atë që ndodhi me shkrimtarin e krijimtarinë e tij, pas rënies së regjimit.
Lajme të tjera
-
Gjekmarkaj: Sot një nga bijtë më të ndritur të rracës shqiptare ka përvjetorin e lindjes!
23 Tetor 2022, 16:13
-
Në 151 vjetorin e lindjes së At Gjergj Fishtës, Meta ndan poezinë e tij në rrjetet sociale: Disa vargje zemre dedikuar Atdheut
23 Tetor 2022, 12:36 -
‘Kapidan Gjon Marka Gjoni, një burrë i gdhendur, një copë në curr t’ë ashpër të racës sonë, që përfaqësoj traditën…’/ Fjala e profesor Ernest Koliqit, në vitin 1966
22 Tetor 2022, 08:03
-
Drejt BE-së si endëset më të mira të pëlhurave
19 Korrik 2022, 10:57
-
Preç Zogaj prezanton në Lezhë dy botimet e reja: Biseda me njerëzit e letrave, emocion i veçantë
6 Shkurt 2022, 15:50 -
SPECIALE/ Mbi 15 mijë fjalë e frazeologji, botohet fjalori që zbërthen veprën e Gjergj Fishtës, Frano Kulli: ‘Çelës’ për kuptimin e vargjeve të Homerit Shqiptar
13 Janar 2022, 20:28
-
150 vjetori i 'Homerit' shqiptar! Shkodra përkujton Gjergj Fishtën, akademikë e studiues: Veprat e poetit, pasuri e Kombit
23 Tetor 2021, 14:46
-
Sot 150 vjetori i lindjes së 'homerit' të gjuhës shqipe Gjergj Fishta! Presidenti Meta e kujton me vargjet e tij: Si Shqypnija vend nuk ka
23 Tetor 2021, 11:29 -
150-vjetori i lindjes së Gjergj Fishtës, botohet vepra e plotë! Akademikë e studiues: Pasuri e madhe kombëtare, kulm i atdhedashurisë dhe kulturës shqipe
16 Tetor 2021, 19:13
-
Akademia e Shkencave për herë të parë organizon veprimtari për At Gjegj Fishtën, Gjinushi: Emër që s' mund të ndahet prej momenteve më të rëndësishme të historisë
23 Shtator 2021, 10:42 -
Publicisti Frano Kulli vlerësohet çmimin 'At Zef Pllumi'
22 Shkurt 2021, 16:07
-
Në 80-vjetorin e vdekjes/ Meta nderon me Dekoratën e Flamurit Kombëtar, më të lartën në vend, Gjergj Fishtën: Skaliti në përjetësi vlerat autoktone
30 Dhjetor 2020, 14:49
