Greqi, ministrat në presidencë
mbahet betimi i qeverisë së re

Pasi u vendos mbi përbërjen e qeverisë së re, ministrat grekë u mblodhën sot në presidencë për të bërë betimin e tyre. Emrat e rinj do të kenë detyrën e vështirë, për të mos thënë të pamundur, për të tërhequr Greqinë jashtë krizës së borxhit.

Lucas Papademos, ish-guvernator i Bankës së Greqisë dhe më tej zëvendëspresident i Bankës Qendrore Evropiane përkrah Jean-Claude Trichet (2002-2010), i konsideruar si motor intelektual i institucionit të Frankfurtit, u emërua te enjten kryeministër i qeverisë së unitetit. Do jetë ai që do ketë detyrën e vështirë për të nxjerrë Greqinë nga kriza e thellë e borxhit.

Papademos ka vetëm pak javë kohë të bindë kreditorët grekë në të ashtuquajturën troika – bashkimi europian, fondi monetar ndërkombëtar dhe banka qendrore europiane – të lëshojnë bllokun e ri të ndihmave, 11 miliard dollarë, para se vendi të ngelë pa para. Më pas ai do duhet të plotësoj termat e vështira të një borxhi shumë të madh.

Aiu duhet të lëvizë me kujdes për të bindur liderat europian se shoku i tetorit, me kryeministrin Papandreou, nuk do të përsëritet më. Në tetor Papandreou pasi negocioi një borxh prej 177 miliard dollarë, vendosi pa paralajmërim që do e linte të vendosej gjithcka nga një referendum. Lëvizja e Papandreou cmendi Europianët, të cilët kryen sforco të mëdha për të vendosur mbi borxhin, i cili duhet të mbaj të stabilizuar euron. Kjo gjë i dha edhe fundin lidershipit të Papandreou-t.

Papademos, i cili shihet nga sytë e njerëzve si personi që mund të largoi Greqinë nga kriza, do jetë kryeministër i Greqisë deri në zgjedhjet e reja, që do mbahen në fillim të vitit tjetër.