Një incident i rëndë ajror ka ndodhur gjatë një operacioni për shuarjen e zjarreve në Psatha të Greqisë.

Sipas mediave vendase, 2 helikopterë janë përplasur me njëri-tjetrin. Dy anëtarët e ekuipazhit të helikopterit që u rrëzua pas përplasjes, kanë vdekur.

Anëtarët e ekuipazhit të helikopterit të dytë u plagosën lehtë dhe u transportuan në Spitalin e 251-të të Përgjithshëm të Aviacionit.

Dy pilotët e helikopterëve janë nga Rumania, ndërsa dy bashkëpilotët janë grekë. Helikopterët ishin të tipit Bell dhe ishin marrë me qira nga Departamenti i Zjarrfikësve. Ata ishin nisur nga aeroporti ushtarak i Elefsinës.

Ndërkohë Policia dhe grupi hetimor po punojnë për zbardhjen e plotë të ngjarjes.

R.Xh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 31 Korrik, 15:00

    Reforma territoriale, cili opsion ju pëlqen më shumë?

Lajme të tjera