Policia greke ka shkatërruar një rrjet shqiptar të trafikut të drogës. Një operacion i madh anti drogë u zhvillua në disa zona të ndryshme të Athinës. Si rrjedhojë e këtij aksioni në rajonin e Atikës, 5 shqiptarë nga mosha 25-53 vjeç dhe një austriak ranë në prangat e policisë. 

Ndaj tyre është nisur ndjekja penale për krijimin dhe pjesëmarrjen në organizata kriminale si dhe për shpërndarje të drograve të ndaluara me qëllim përfitimi.
 
Gjatë aksionit, janë sekuestruar 1.554 gram kokainë, 1.848- gram kanabis, kërp i papërpunuar, 14 tableta farmaceutike, 4 peshore, 62 fishekë, rreth 24.530 euro, dy makina dhe dy motoçikleta. 

Redaksia Online
l.q/Shqiptarja.com